Atu bantukin thawngpang ṭha taktak kan vun theih cu lawmh a um tuk hringhran. Hakha Quarantine an chiahmi hna minung 56 hna cu Hakha General Hospital nih an dihlak i negative an si tiah thanhnak an tuah. Lungthin a nuam thaw a chuak ngaingai.

Ramchung ramleng kan thinphang cio. Positive a ngeimi hna an um ṭhan sual lai tiah kan cuanh cio hna. Asinain atubantukin thawngpang ṭha tuk kan theih cu lung a hmui hringhran. Bawipa tu nih damnak tlamtling pe hram ko hna seh. Cun kan nau nute zong a rauh hlanah thawngpang ṭha te kan theih ven nakhnga thlacamnak in bawm cio hna u sih.

Thawngpang thar rak rel chih:Van Dawt Thang Nih $2000 A Hlut.Covid-19 ruang ah Malay le India um harsa in a um Chin mi chungkhar bawmhnak caah Michigan State, Bettle Creek ah a um mi tlangval Van Dawt Thang nih CRO sin ah $2000 bawmhnak a pek caah lunglawmhnak chim chawk lo kan ngei. Tlangval mino te nih mah bantuk a miphun hawi caah dawtnak le zawnruahnak nganpi a ngeih mi cung ah upatnak kan pek. Hmailei a riantuannak ah Bawipa nih a letza in thluachuahnak pek chin ko seh.

CRO nih Malay ah CYOM he bawmhnak a phawt cuahmah lio asi i Dehli ah CRC he bawmhnak a ti khawh tawk pekchannak a tuah lio cuahmah a si. Dawtnak in nan pek mi chawva cu felfai te in kan in tawlrel piak ko hna. Hmaizarh chung ah report zong tlingte in hmanthlak he langter khawh kan rak i zuam lai. Thank you. CRO Team