Malaysia in a kawlram ah a rak tlungmi Hakha nu kum 30 (min langhter lomi) cu Yangon Internation Airport ah Coronavirus zawtnak a ngei maw ngei lo ti an check lioah a taklin, a khuh, a tha dih pah caah atulio zawtnak Coronavirus zawtnak he a pehtlai tiin Yangon sizungah check dingin an kuatmi Lainu cu a ngei lo tiah theih a si.

Aluancia March 6, 2020 zinglei Suimilam 10:00 am hrawngah Malaysia in kawlram leiah a tlungmi Hakha cu Yangon Internation Airport a phak bakah ramleng leiin a rami a si caah Coronavirus a ngeih le ngeih lo checknak an tuah tikah a ngei tiah an lunghrinh caah Yangon sizung pakhat ah an chiah ti a si. Asinain tuni March 9, 2020 ah checknak an tuah tikah cun a ngei lo tiah Myanmar nganmdanak zung nih thanhnak a tuah hi a si.

Naitan i Mandalay zongah Coronavirus a ngei tiah zohkhenhmi le lunghrinhmi nu pakhat cu sizungah a thi. Cu a thimi nu cu a Coronavirus zawtnak a ngeih le ngeih lo an checnak a ngei lo tiah theih a si ṭhna. Ramleng in Kawlram ah a tlungmi Coronavirus an ngeih le ngeih lo ti check dingin an chiahmi hna hi minung 70 hrawng an um ti a si i, cu chung cun minung 6 an ngei tiah lunghrinhmi an um. Asinain tuzing ah Myanmar ngandamnak zung nih Hakha nu telh in minung 6 cu an ngeih lo tiah thanhnak an tuah ṭhan hi a si.

||Note: Chinjournalnews nih Kawlca in an ṭialmi kan leh chawmmi a si caah kan palhnak tete a um kho men a ruahzia nan kan thiamnak lai kan in nawl hna.||