Tuni April ni 4-16-2020 zaanlei sumilam 6:17 hrangah chin khualipi Hakha lii taktak in a hnin tiah theih a si. Atu tiang rih ahcun innlo arawkmi a um le um lo theih a si rih lo. A lii hninh a fak ngaingai ti a si. Thawngpang thar (upadate) a um sual ahcun a si khawh chungin thanh khawh rak i zuam tthan lai.

 

Innle lo a rawk ngaingaimi cu a tulio ah a um rih lo nain bel kheng a rawkmi belte a um pah len tiah kan theih. An chimning ahcun tutan i Hakha lii a hninh cu a fak taktak ti asi. Laitlang hninh cu ttih a nung ngaingaimi a si. Aruang cu inn tung i vawlei i phun chawmmi an si tikah a pur khomi dirhmun ah adir. Thlacamnak in bawm cio hna usih! Video ah hin rak zoh hmanh!

 

Thawngpang rak rel chih:WHO Cungah Trump Thin A Hung! World Health Organization is a biapit tluk in tutan COVID-19 kongah Taluk nih a duhning poah in a ka a phih khawh i a control khawh i countrol khawh lo tiang in Corona Virus a karh tikah WHO cungah tampi thin a hung. World Health Bu nih tutan Corona Virus kongah Vawlei pi a deuh cikcik!

Tuan tein WHO nih Global Pandemic thanh ding in a timh i Taluk nih a hrocer i daidep a um than. A luan tuk hnu lawng ah a thanh than. A rian a tlolh diam! Cun President Trump nih Taluk leiin a rak lutmi khualtlawng phih a timh i WHO nih Trump cu ‘Racist’ tiah a soisel colh. “Corona Virus hi minung pakhat in midang cungah a kalmi si lo’ tiah a chim.

Zeitindah Corona Virus hi aa thokning a si i zeitluk tihnung dah a si timi zong a theih ko lai nain Taluk nih a chak an tlaih khawh tuk caah Taluk dirkamhnak lawng tein bia a chim. Taluk zong an hrokhrol i WHO zong a hrokhrol ve. Cuticun Corona Virus nih Taluk a vun den tluahmah hrawnghrang ah khan a rannak in Taluk in US ah a zammi a tingting in an si. Vawleicung khualtlawng tam cemmi an si tikah US an kir tikah cun Corona Virus aa tlun pimi an tam tuk cang.

Vawleicung khualtlawm tam cem an si ve caah an mawh lo. An buai bak ve ko. WHO daitlan le hrokhrol ruangah Canada zong aa veng kho manh ve lo. US le Canada lehlam Mask le Ventilator kongah an buai deng. Taluk le WHO hi rak dingfel hna seh law lengah chuak kho loin Taluk ah Corona Virus hi an kharkhumh manh hnga i an rak thah manh hnga, asinain Taluk nih a thuh pinah WHO nih a dirkamh i vawleicung ram kip ah an vak dih manh.

WHO director pa hi Ethiopia mi a si i, Taluk nih Ethiopia ah hin investment lianlian an tuahnak ram a si. Taluk he neihniam tuk in an i pehtlaih tikah tutan thil bantuk tiang zong a pingpalo ah a phan. Anmah ruangah chungkhar million in an thi i an i then; thinphannak, ngaihchiatnak; thinhunnak le zunngaih nih vawlei pi a kan tlaih.

President Trump nih WHO bawmhnak a ngol chungmi kongah ka lungtling. Taluk le WHO karlak ah zeidah a um; zeidah an thuhmi a um timi an hlat lai i a lang te lai. US nih WHO bawmhnak a pekmi hi kum tin in 400 – 500 million a si lio ah Taluk nih 45 million hrawng tein a bawmh.