Breaking News: Hakha Le Timit Kar Halkha Naih Ah An i Kap Cuahmah Atur In An Tur. A tuhi an i kap cuahmah khuhsilo bo in miakpi peh zulh in an von kah thluahmah pinah Halkha le Timit kar Halkha naih ah meithal thawng zong a tur in tur lio pi si caah kan ralkap nih teinak an hmuhnak hnga thlacam cio usilaw. Mah thawngpang hi athar asi i rak share zokzok ulaw mipi nih kan theih cio aherh ngai mi asi.

Thawngdang Yangon ramṭhen Kyi Myin Daing Setsan sang um zupu dawr pakhat ah nizan August 19 zanlei sml 5:00 hrawng ah puahkehnak a chuak i, mino pa 6 an nunnak aliam tiah theih asi. Mino pawl cu pumpululh an chuih dih an ṭin lei ah zupu dawr ah an ṭhu pah. Cu lio ah bomb cu a puak i, pumpululh thuam he an ruak cu kan char hna. A thimi hna hi kum 18 a tling rih lomi an si tiah bomb puahnak sang ummi pakhat nih a chim.

Zupu dawr ngeitu pa cu a zaam i, a nu cu SAC ralkap nih an tlaih tiah theih asi. Kutser bomb puah sual nakin a thimi hna hi Pyusawhti an si lai, tiah a ruatmi an tam nain bomb puahnak sang ummi hna nih anmah sangmi an sinak kong cu an langhter. Cun an thih hnu ah ‘Pyusawh ti an si an ti hna caah an lungfahnak kong zong sangchung mi nih an langhter chih.

News Of Myanmar min in Telegram ah Yangon ramṭhen Kyi Myin Daing peng Setsan sang ah zanlei sml 5:00 hrawngah puahkehnak a chuak i, ralhrang 1 a thimi an hmuh. Ralkap nih puahkehnak hmun an va zoh tikah inn pawng ah ralhrang ruak 5 an hmuh chap. Dawr ngei tu pa zing a zaam tiah an ṭial. Cuti an ṭialmi cu thawng dik lo ngaingai a si. Puahkehnak ruang ah nunnak a liammi hna hi sualnak ngei lo kum tling lo mino an si tiah tualchung mi hna nih an chim.