20 July sml 10am ah Halkha ralhrang rual covid kongah meeting kan tthu an ti. Riandang ttuan awk an thei rua lo Pu NSA nih zarhkhat voi khat in covid kong meeting a tuahpi hna ralhrang bu tom hmun, Naypyidaw ah report pek ding a chambau ngai ko rua. Mah thawngpang theih hnu cun khuaruah zong ahar ngai mi asi.

Thawngdang relchap Sac Ralkap Nih Helicopter In PDF An Kah Hna Kan Pasal Tha Tam Ngai An Thi Inn Aa Kang Chap. Sagaing ramṭhen Kan balu peng Kyisu khua cu July 18 zing ah SAC nih vanlawng 2 in an kah hna caah PDF lei in ralkap 8 an thi tiah tual chung mi sin in theih asi. SAC ralkap hna cu hmun 3 ah rallam sial in Thawathi khuami 3 le Shiataw khuami 3 zong an thah hna tiah theih asi. SAC ralkap hna nih cun Kyisu khua cu an luhhnawh i tualchung mi 150 tluk an tlaih hna. Cupinah Muslim biaknak a zultu innlo 300 tluk an khangh i, phungki sianginn ah umhmun an khuar.

July 19 ah an tlaih mi hna cu an thlah ṭhan hna hnu ah inn 100 fai an khangh ṭhan i, Kyisu khua cu an chuahtak, tiah tualchung mi nih an chim.SAC ralkap an chuah dih hnu ah zohfelnak an tuah i PDF 4 ruak an khangh chih mi le kuan hliamhnak in a thi mi tualchungmi 3 ruak hmuh asi.

Cupinah thawngpang theih khawh lo in a tlau mi minung 10 an um rih tiah theih a si. Kyisu khua hi Buddhist le Muslim biaknak a zultu hna an umṭinak khua a si i, inn 1000 leng umnak khua a si. Kyisu khua cu i thuhnawhnak fing le tlang a um lo caah a um chun mi hor hme tete ah khuami hna cu an i thup, tiah theih a si. Kyisu khua ah cun kahdohnak a chuak lo nain PDF an um ṭheo lai timi lunghrinhnak he SAC ralkap nih an luhhnawh hna nak hi a si, tiah tualchung mi nih an chim. Hi kong he pehtlai in SAC nih thawng an thanh mi a um rih lo. The Chin Post