Breaking News: Hakha Khuachungah Palek Nih Mipi Umnak Inn Lei An Kah Hna

Myanmar News

Breaking News: Hakha Khuachungah Palek Nih Mipi Umnak Inn Lei An Kah hna. Halkha khuachung palek sakhan an phomh Palek nih ruah domh in mipi umnak inn lei an kah, tuhi ralhrang motor pahnih rang tak in lam ton(lansung) leiah an kal caah mipi umkal rak i ralring cio ulaw. Pehchap  Tu Zanlei 3: 15 Hrawng Ah Hakha Pyidawta Sang Ah Bomb Puah Thawng a Thang! Atu cu thawngpang a dai cang tiah theih a si. Thawng fiang deuh kan hlat lio asi. Tuhi hakha thar lamruk tonnak leiah a puak cuahmah tikahmipi le kan ralkap hna an himnak hnga thlacam cio usilaw!

Thawngdang Oneness ai timi pauh Khrih vailamtahnâk ral an si timi hi na ruat bal maw! Oneness Judah mi hna cu Pathian pakhat lawng a um timi zumhnâk nih an thlarau mit a cawtter hna i cân saupi an rak hngahmi an Messiah, Pathian Fapa Jesuh a rat tikah taksa mit in hmu ko nain thlarau mit in an hmu kho ti lo. Vailamtahnâk ah an rak khenh chih i nihin tiang Khrih Vailamtahnâk ral ah an i cang.

A chim lu le taw hmanh aa hngal lomi Saya Rual Uk Hi Daiten um sehlaw. Pathian bia tu chim ko seh. – Chin World News Evening

Oneness Muslim hna nih oneness Judah mi bangin Pathian pakhat ALLah lawng a um timi zumhnâk nih an thlarau mit a cawtter ve hna i Biakam Hlun ah Pathian miAdam, Noah, Abraham, Moses le Pathian Profet hna kha an pom hna ko nain:- Pathian thlahmi Messiah Jesuh, Pathian Fapa a sinâk an hlawt i Pathian thlahmi profet pakhat ceu ah an cohlân.

An zumhnâk cauk Qu’ran nih Vailamtahnâk ah an khenhchih mi kha Jesuh si loin Jesuh aiawh in mi dang pakhat kha an khenhchih tiah a ti i nihin tiangin Khrih Vailamtahnâk ral ah an i cang.
Oneness Jehovah’s Witness ai timi hna zong Jehovah lawng lawng Pathian a si timi nih an thlarau mit a cawtter ve hna i Jesuh Pathian a sinâk kha hlawt in Jesuh kong țialnâk Johan dal khat câng a ah :-

‘Bia cu Pathian a si’ timi kha ‘bia cu pathian pakhat a si’ (the Word was God timi kha the word was a god) tiah Pathian Bia kha a cafang an thlen hnu ah cafang dang an chap. Onenss Jehovah’s Witness ai timi hna nih hin Jesuh an khenhchihnâk kha Vailamtahnâk ah a si lo. Tung an bunhmi ah pei an khenhchih ko cu tiah an ti i nihin tiangin Khrih Vailamtahnâk ral ah an i cang. An i pumhnâk ‘Kingdom hall of Jehovah’s Witnenss’ tiah an timi ah vailamtahnâk zong an umter bal lo.

Onenss UPC hna zong Pathian pakhat lawng timi nih an thlarau mit a cawtter ve hna i online ah kan hmuh bangin Mizoram UPC hna nih Lamzawhnâk (Sandahpiahnâk) an ngei i an hruaitu nih anmah Mizo holh in:-Isuan Kross ah min chhandam em? tiah a hun ti i mibu nih ‘Min chhandam lo’ tiah an au.

Lai holh ah cun:- Jesuh nih Vailamtahnâk ah a kan khamh maw? tiah hruaitu nih a hun ti i mibu hna nih:- ‘A kan khamh lo’ tiah an ti. An nih UPC hna Khamhnâk Thawngțha cu Vailamtahnâk ah Jesuh nih misual caah a nunâk a pekmi kha si loin: ‘Jesuh min i tipil in’ kha a si. Vailamtahnâk cungah Jesuh nih “Ai lim cang (It is Finished) a timi kha tlanhnâk lawng pei a lim ko cu Khamhnâk cu Jesuh min tipil in hi a si tiah an ti i nihin tiang Khrih Vailamtahnâk ral ah an i cang. Khrih Vailantahnâk ral an si.(they are the enemies of the cross of Christ) Filipi 3:18. Even Rual Uk

 

Leave a Reply