Breaking News: Hakha Khuachung Kahdohnak Ah Akan Vengtu Kan Ralkap Nih Ralhrang 2 An Thah Khawh Hna. Nizan zing Halkha Vuanci hna umnak Inn pawng kahnak ah ralhrang pahnih an thi,pakhat hi nun celh ding si lo an ti,pali tangttum lo hliam an tuar,kan ralkap an him. Credit – Salai william hc Kan nihcu a nung Pathian bochanin ral a tuumi kan si tihi philh hlah usih. Bawipa he lawng ral kan tei kho.

kan mah tecun inleng zong a per kholo kan si. Hihnu zongah kan Pathian nih ral a kan tukpi ih teinak kan co dih hlan tiang a kan umpi nak lai Thlacam teirial peng usih. Bawipa kan ralkap hna nunnak na kan khamhpiak ruangah kan ilawm tuk. Mah vial hi asi i atangleiah hin thawngdang relchih ding aum.

Thawngpang dang Ralkap bomb nih Hniarlawn khuami Pi Chia Hnem an coka ah a tlak i a nunnak a liam cu ngaih a chia hringhran. Hakha le a pawngkam um mi nulepa hna cu ihkhun cung i hngilh hmanh ah hna a ngam kho ti lo dirhmun kan phan than cang ko rua. Miphun daw tu ramtang kan u nau hna nih caan sau ngai khuachung i kahdohnak nan rak hrial i Hakha khuami hnangam deuh ngai in rak um a si. Nain tukar nan hun kah than lengmang hna tikah Mizoram le khuate ah kan zam than ne lai maw tiin vansang a aumi an tampi lai.

Nunnak tiang a thapmi pasaltha nan si caah nan thil tuahmi cung ah hohmanh nih mawhchiat le soisel ngam ding cu nan si bak lo nain khua chung i kah cu kan hrial piak hram ko u timi hi nulepa tampi an phuan ngam lomi biacah a si. Ralkap cu uihrut bantuk an si caah kah an ton caan poah ah mizapi lakah meithal le bomb kah khi thlachiat an ruat bal lo, khuachung nan kah hna caan ah a ingtuar tu taktak cu kanmah miphun lila kan si tawn. Thantlang bantuk in Hakha a ciam dih ve sual lai timi zong phan a um.

Mizapi um lonak Timit le Thantlang ah MAH ralkap an tam tuk ko caah zalawng tein anmah pawl khi fimtawl hmasa ko u law an dih cang ti tikah Hakha ummi ralkap zong a herh ning in nan rak thuat ve te hna lai cutik i a phunzaimi an um sual ahcun keimah hrim nih an cal ka kingh te hna lai.