Breaking News: Hakha Junction Guest House ah Minung 5 an Tlaih Hna

Chin News

Hakha Junction Guest House ah Minung 5 an Tlaih Hna. Hakha Junction Guest House ah ralkap le palik nih an luh hnawh i minung 5 an tlaih hna.

Guest House ngeitu Chuncung khuami Pu No Ling nih, “Kei hmun dang ah ka um lio a si i, a buai tuk rak ra hlah an ka ti. Guest House rianttuantu cu an tlai hna lo,” tiah a chim.

An tlaihmi hna hi Hakha Town dawr rianttuantu nu pathum le a dang nu pahnih an si. “An tlaihmi hna lak ah kan Guest House ah Wifi hman ding in a rak rami zong an i tel,” tiah Pu No Ling nih a chim. Source: The Chin Journal, March 19, Hakha

Hakha sakhaan ah hren mi a voi hnihnak Zung chuah, aa-mah-khaan timh mi tlamtlinglo. Hakha sakhaan ah hren mi hna cu March 19 ah a voi hnihnak Biaceih Zung an chuahpi hna, minung pahnih cu aa-mah-khaanpiak ding in an timhtuah nain an tlamtlinglo, tiah kan theih.

“Nu pahnih hi cu aa-mah-khaan in a chuakcia an si. Annih hi tazacuaitu lei a um lo tiin an kirter hna. Bawi Cung (Meithat Zung riantuan) le Sai Thawn (Vawlei Tahnak Zung) hi aa-mah-khaan ding in timhtuah a si nain tlam a tlinglo. Cun, taza an cuai hna nak phungrelnak caang 505 (a) hrimhrim hi aa-mah-khaan khawh mi a rak si lo. An ngamdamlonak pawl he pehtlaihter in aa-mah-khaan tu cu a si kho nain tutan ahcun tlam a tling kholo,” tiah tuanvo ngeitu CHRO in min langhter lo mi pakhat nih The Hakha Times ah a chim.

Sakhaan ah hren mi hna hi March 16 ah khan a voi khatnak Zung an chuahpi hna i atu hi a voi hnihnak a si. A ralai mi March 31 ah khin a voi thumnak Biaceih Zung an chuahpi than hna lai, tiah kan theih. Source: The Hakha Times

Leave a Reply