Breaking News: Hakha HKBC Biakinn Ṭhing Thlangah Aho ti theih lomi ruak an char-VIDEO

Chin News

 

Chin State Hakha- Hakha khualipi HKBC biakinn ṭhing thlang hausangva ah aho ti theih lomi ruak an hmuh a si. A ruak hi zoh tikah, Laimi (Chinmi) maw si, Kawl dah a si ti theih a si lo tiah a hmun i a ummi nih an chim. A poi tuk hringhran.

“Atu hi Palet an phak khawh rih lo caah, aruak tongh tham khawh a si rih lo. Palek pawl an phak in a ruak hi Hakha khuahlun thlanmual vui a si lai,” tiah a hmun i a ummi pakhat nih a chim. Atu tiang cu thawngpang fiang zeihmanh a um rih lo.

Zeiruangah a thimi a si? thahmi maw si ti biafiang zeihmanh a um rih lo. A hmun i a ummi pakat nih a chimning ahcun, “Amah hi zoh tikah, kanmah Laimi cu si dawh a si lo tiah a chim. Laimi sisehlaw, Khrihfabu nih maw chungkhat nih maw a tlau tibantukin thawngthanhnak a um hnga,”tiah a hmun i a ummi pakhat nih a chim.

Cun, a chimm rihmi cu,“Amah hi nu maw a si pa ti biafiang zeihmanh a um rih lo. Aruang cu palek an phak khawh rih lo caah aruak tongh awk a ṭha lo. A ruak kan hmuhnak zawn hi, Hakha HKBC Biakinn ṭhing thlang Hausangva ah a si,”tiah a chim.

“Minung pakhat nih an meh kawlnak ah aruak hi a hmuh i atu bantukin nawlngeitu sinah thawng a than hna i an va zoh hi a si. A ruak a hmuh hi zaanlei suimilam 2:30 Pm tluk hrawngah a si,”tiah a hmun ummi nih a chim. Atanglei ah Live Video an thlahmi zoh khawh a si.

VIDEO timi hmeh piak law VIDEO zoh khawh a si.

Leave a Reply