Breaking news: Hakha GTI le Ministers pawl umnak inn kar ram mei a kaang, Meithat Zung nih hmih manh. March 11, zaanlei suimilaam 12:30 hrawng in Hakha GTI le Ministers hna umnak kar ram mei a kaang i zaanlei suimilaam 1:30 tluk ah Meithat Zung nih an hmih manh, tiah kan theih.

“Hi mei kaang hi zeitin aa thawk i aho nih a khangh zong kan hngal lo. A khaangtu kan hngalh ahcun phungning bantuk in taza kan cuai lai,” tiah Hakha Peng Meithat Zung lutlai Pu Thian Nuam Maung nih The Hakha Post ah a chim. Hi mei kaang hi Meithat motor 2, riantuantu 13, Palek 7 nih an phalh i an hmih manh, tiah kan theih.

Thawngpang rak rel chih: Covid-19 zawtnak in minung 4,284 an thi cang/ 2020 March 11, chun suimilaam 12:00 tiang ah Covid-19 zawtnak in minung 4,284 an thi cang i, Zawtnak hrik a ngei mi minung 1,191,20 an si cang. Zawtnak in minung 6,576,5 an dam than. Tuluk ramchung ah minung 3,162 an thi cang i, zawtnak hrik a ngei mi 8,095,6 an si cang. A dam than mi 6,155,9 an si.

Italy ah a thi mi minung 631 an si cang i, zawtnak hrik a ngei mi 1,014,9 an si cang. A dam than mi 724 an si. South Korea ah minung 54 an thi i, zawtnak hrik a ngei mi 7,755 an si. Minung 247 an dam than. Iraq ram ah minung 291 an thi i, zawtnak hrik a ngei mi 8,042 an si. Minung 2,731 an dam than. USA ah minung 28 an thi i, zawtnak hrik a ngei mi 1025 an si cang. Minung 8 an dam than,tiah Johns Hopins CCSSE nih a langhter. Myanmar ramchung ah zawtnak a ngei kho tiah zumh mi minung 82 le zawtnak a ngei lai tiah zumh mi minung 2 an um, tiah Ministry of Healh and Sports, Myanmar nih a langhter. Credit: The Hakha Post

Theihternak:

|| Acunglei thawngpang kan tarmi hna hi a pahnih ning tein The Hakha Post nih a ṭialmi anmah page ta lakchinmi a si. The Hakha Post hi Laimi nih kan i ngeihmi Thawngzamhtu a ṭhawngbik le zohchuntlak bikmi a si||.