COVID-19 update (7:00AM). Hakha ah COVID-19 mizaw kum 18 nungak sin in hmuh a si. Myanmar ram chung ah COVID-19 mizaw 150, damnak hmu than mi 16, a thimi 5 an si.

Thawngpang dang rak rel chih:Essential Worker Pawl Sandahpiah An itim. Corona virus zawtnak lak ah an ngamdamnak thap in hmaisuang ah riantuantu essential worker hna nih ara laimi Friday ah khin US pumpi in sandah kan piah lai an ti. Amazon, Walmart, Wholefood,Target, FedEx le Instacart company i essential riantuantu hna an i tel lai.

Riantuantu hna nih sick call an tuah lo le lunch time ah riantuan ti loin lengah kan chuak dih lai ti a si. Zawtnak lak ah nifatin rian kan tuan, ahlan nak in kan rian a tam deuh caah a hlei in kan tha a ba. Atu nak in company ngeitu hna nih riantuantu hna benefit tha deuh le zawtnak ichonh lonak dingah an kan ven deuh a herh an ti.

Indiana state i Amazon facilities hmun 125 chungah riantuan mi minung 500 renglo Corona Virus in an zaw.

Amazon +Wholefood Market nih an chimning ahcun hand sanitizer kan pek hna, nifatin temperature kan tah ko hna tiah a chim ve. Phaisa zong sumilam pakhat $2 ka chap hna an ti ve. Asinain Wholefood market store 131 chungah minung 249 cu coronavirus in an zaw thiam ti na si. Coronavirus ruangah Amazon le company cheukhat cu a let deng in an rak miak ve hoi. Credit:Salai Lairamthang