Breaking News: Hakha Chin Oo Sii Sang um Evan. Thang Zel inn an bauh tangka zeimawzet an lak

Chin News

Hakha Chin Oo Sii Sang um Evan. Thang Zel inn an bauh tangka zeimawzet an lak. Hakha Chin Oo Sii, Nichuah lei sang um Evan. Thang Zel inn cu, nihin 2020 October 29, chung suimilaam 10:00 in 11:00 karlak ah mifir nih an bauh i, tangka sing 4 hrawng an lak, tiah kan theih.

Image may contain: indoor

Evan. Thang Zel nih, “Kan nupa in Rual-U thlacamnak tlang ah, thlacam ah kan kal. Kan kal hi zing suimilaam 10:00 ah a si. Kan fanu sianginn cachim a tuan mi inn ah a um. Kan kal tlawmpal khan anih kha sayaci pa nih a auh i, cazin tuak ah cikhatte a va kal khi a si. Inn zong tawh a hrenh ta dih. Caan sau a rau lo, a rak tin ahcun innka cung a hon dih cang. Bizu chung ah tangka kan chiah mi sing 4 hrawng an lak,” tiah The Hakha Times ah a chim.

Image may contain: plant, tree, house, sky, outdoor and nature

Atu bantuk in inn an bauh hi, atu lawng a si lo. An inn pawngkam zong atu le tu an bauh lengmang hna. A bauhtu le a firtu hi mizeizat a si an thei rih lo. Cun, inn an bauh caan le thil an fir caan zong hi zaan ah si loin chung lawngte ah a si, tiah Sang mi cheukhat sin in kan theih. Chirhchan: Hakha Times Daily Newspaper

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he Admin

Leave a Reply