Breaking News: Hakha Ah Mai Van Lawm Par SAC Ralkap Nih An Tlaih

Myanmar News

Hakha Ah Mai Van Lawm Par SAC Ralkap Nih An Tlaih Chin ramkulh, Hakha ah nihin June 11 zing sml 11:00 hrawng ah Hakha in Gawgaw lei kalnak chek gate ah Hakha Mann motor cu SAC ralkap nih an chek. Thantlang peng Dawn khuami Van Lawm Par a phone ah uniform he aa thlakmi hmanthlak an hmuh caah, CDF he pehtlaihnak na ngei an ti i an tlaih,tiah ralkap kuttang thawng ṭialtu FiftyTwo News nih a langh ter. Hi kong hi The Chin Post nih hlathlainak kan tuah tikah Van Lawm Par cu Thantlang peng Dawn khuami asi ko tiah kan fehter.

May be an image of 1 person, military uniform and text

Thawngdang CDF-Kanpetlet Nih An Sakhaan An Zam Taknak Konglam Cu Phuan Asi Cang. Vakok Sakhan an rak chuahtak nak kawng CDF Kanpetlet nih cathanh an chuah. Jun-11, CHIN Ram chak lei Kanpalet myonay chung um CDF -Kanpalet B-2 umnak Vakok Sakhan cu jun thla 9-10 ni hna ah SAC nih kalhawh in ral an serh hna i Minung thazaang hriamnam thazaang ai thlau tuk ca ah chuahtak a si nak kawng CDF-Kanpetlet nih ca thanh an chuah nak in theih asi.

Ca thanh ah cun jun-9 ni i kahdoh nak i, atuar deuh mi ralhrang hna nih jun-10 ni ah CDF-Kanpetlet B-2 Vokok Sakhan cu thazaang tamtuk in pehzulh ral ser nak an nei i zing lei Sml 7:00 in 9:00 kar ah voi -1 Chuunhnu Sml 1:00 in 4:00 leh ti hrawng tiang voikhat Voi -2 bak kah doh nak a um i ralhrang 15 thi in 30 hliam an pu CDF-Kanpetlet le an tanti hawi lei in (2) hliam an tawng tiah an langh ter. Ralhrang hna nih hin Kyauhthuh in 120 MM le Mindat Khah-Lah-Yah 273 in 120 MM hriam ngan hmang in Vokok Sakhan cu voi tam tuk an kah hna nak le thazaang ai thau tuk in ralan ser hna nak cu an langh ter chih. Kanpetlet pawngkam um khua -10 in khuami hna cu kahdoh nak ruang ah ral an zam tiah theih chih a si. Credit: LKZ News

India ram nih ASEAN ram hna he an i pehtlaihnak kum 30 a tlin philhlonak ah ti in ramdang palai cio hna tonbiaruahnak ding caan cu June 16-17 ah inntek ṭuanvo lain caan an hmang lai tiah theih a si. ASEAN-India ramdang Palai hna tonbiaruahnak ah cun SAC kuttang ramdang palai sawm ding le sawm lo ding kong ah ASEAN ram hna phung ning bantuk in a kal lai, tiah India ramdang ministry zung i biachimnak nawlngeitu Arindam Bagchi nih a chim.

Myanmar ram ah ramkhel sining aa thlen hnu in ASEAN ram hna nih tonbiaruahnak an tuah tawn mi ah Myanmar in ramkhel lei he aa peh tlai lomi minung lawng an sawm hna caah tutan ASEAN-India Summit zong ah SAC an i tel lai lo. Cu tonbiaruahnak ahcun India ram dang Palai le Singapore ramdang Palai hna nih chairman ṭuanvo an laak lai i, Singapore ramdang palai cu ASEAN chung in India ram he pehtlai in special palai zong a si fawn. ASEAN ram hna le India ram karlak ah a lamkip in i pehtlaihnak cu Kum 1992 December ah khan an rak dirh cang i, Kum 1995, Kum 2002 le Kum 2012 lio ah khan a biapi taktakmi tonbiaruahnak zong an rak ngei bal cang.

Leave a Reply