Breaking News: Hakha Ah Lii Fak Taktak In A Hnin Dawr Thilri Zong A Rawk Dih-Video

Chin News

Upated: Tuni April ni 4-16-2020 zaanlei sumilam 6:17 hrawgah Laitlang ah lii fakfakin ahnin tiah kan theih. Hakha, Falam, Yangon tiang a hnin dih tiah kan theih. Tutan i kawlram i a lii hninh a khun tiah an chim. Lii ahninh hi 5.9 hrawng a si tiah theih a si. Innlo cu a rawk hraw lo nain um keng tibantuk le dawr thilri tibantuk tampi a rawkmi hmuh khawh a si.

No photo description available.

Tuni April ni 4-16-2020 zaanlei sumilam 6:17 hrawgah chin khualipi Hakha lii taktak in a hnin tiah theih a si. Atu tiang rih ahcun innlo arawkmi a um le um lo theih a si rih lo. A lii hninh a fak ngaingai ti a si. Thawngpang thar (upadate) a um sual ahcun a si khawh chungin thanh khawh rak i zuam tthan lai.

No photo description available.

Innle lo a rawk ngaingaimi cu a tulio ah a um rih lo nain bel kheng a rawkmi belte a um pah len tiah kan theih. An chimning ahcun tutan i Hakha lii a hninh cu a fak taktak ti asi. Laitlang hninh cu ttih a nung ngaingaimi a si. Aruang cu inn tung i vawlei i phun chawmmi an si tikah a pur khomi dirhmun ah adir. Thlacamnak in bawm cio hna usih!

No photo description available.

Video ah hin rak zoh hmanh!

Thawngpang dang rak rel chih: Pastor David Lah hi minung lei hmuhning ahcun a mual a pho ti khawh a si. “CoronaVirus hi scientist nih an sermi chemical, a leak mi a si” tiah evidence a lomi cu, a si taktak bantuk in a sermon i, ngaitu tampi Lungaw-ttawm in a chiah hna. “ ziah, upat ngaimi cawnpiaktu nih mahbantuk pi cu a chim hnga,” tiah comments an pek cio.

A von pehmi ah “If you hear the sermon of God, the virus will never come to you, I declare it with the soul of Jesus Christ.” a ti rih. Asinain a chimtu lila cung ah Virus a phak tikah ruah ding a tam. Minung lei sining ahcun mualpho cazin ah chiah khawh a si. TB Joshua nih “US President ah Hillary Clinton a tling lai. Pathian nih a ka chimh” a ti nain a tak a phan tikah Trump a tling diam. Cucaah, Minung tampi nih false teacher ah an ruah colh bantuk kha a si.

Laimi tampi hi miphun le biaknak kong ah kan Lung a rang deuh in a lang. Tedim ah Covid 19 an hmuh kong an thanh tikah, “a dik lai lo. Chin miphun an kan namneh a si” tiah tampi nan zai colh. “Racism” a si tiah nan tlikpi. Nain “ caan/times” nih nan palh an hngalhter hna.

Atu Pastor David Lah kong ah “biaknak thleidan a si” tiah “religious discrimination” lei ah nan tlikpi colh hawi. Zeithil paoh hi a context hi zoh hmasa peng a ttha. Cun, amah context chung ah comments pek thiam zong hi a biapi ngai fawn. Zeithil paoh hi, a Context zoh loin, “racism le biaknak thleidan” lei rumro ah zei paoh kan merh ahcun, cucu kan miphun caah thiltha a si lo, ka ti.

Covid 19 Virus in a zawmi cu vawlei pumpi ah 2 millions an phan cang. A thimi hi 126,812 an phan cang. Laimi chungkhar sin zong ah a phak cuahmah ve cang caah, ileng kai kha hrial bak rih ko hna usih. Iralrin hi si/medicine thabik a si ko. Nuam tein ilengkai khawhnak niceu ttha kan hmuh zau ko lai. Credit: Zasang Cinzah

Leave a Reply