Breaking News: Hakha Ah A Ho Ti Theih Lomi Pakhat Nih Kum 3 Ngakchia Motorcyle A Pah A Nulepa An Lung Dong Taktak Zeitik Ah A Thaw Cah Lai Ti Lawng An Hngak Ko

Chin News

Tuzaan lei Hakha khuapi helnak lam lei ah a ho ti theih lomi pakhat nih kum 3 ngakchia motorcycle in a pah. Atu hi a pah mi ngakchia te cu sii-inn ah an chiah. Siibawi le a nulepa an lung a dong ko. Zeitik ah a thaw a cat lai ti lawng an hngah. A pah tu pa hi a zaam. Aho a si ti an hngal lo. Credit: Hakha Today

Image may contain: sky, mountain, outdoor and nature

 

Thawngpang thar rak rel chih: Reopening America.Coronavirus zawtnak hi a thiang cikcek timi cu a um thai lai ka zum lo.Ikhamhnak si le a damnak si kawl le hmuh chuahtu hi a biapi deuhmi a si. Cumpi tlangrai hmanh hi atu tiangah a ci hmih taktak khawh a si lo. Kanmah tein kan iralrin le kanmah tuanvo kan ilaaknak cungah tampi a hngatmi a si.

US zong virus nih ceilak a kan den i, US ram pumpi in phih le khar a si. MInung thong 73 renglo kan thi i, minung 1.2 million deng mizaw kan ngei. Minung million 33 tluk rian ngei lo kan si. Thla 3 chung kan i phih khar hnu ah White House coronavirus task force nih guideline an tuahmi ning in state cio nawl ngeihnak in on a si. Republican nih Govenor an tuannak state tam deuh ah on hram an thawk. Democrats Governor an si nak state ah stay at home le lock down a tam.

State 11 ah State At Home” order a nung rih. Mah state hna cu, Massachusetts, Rhode Island, Connecticut, New Jersey, New York, DC, Maryland, Norh Carolina, Illinois, Louisiana le Oregon state ah a si. Mah state pawl hi democrats party pawl an thawnak le an chahnak state pawl an si. Partial reopening planned timi a ong rih lo nain a cheubang on dingah timhlamhnak a ngei liomi state hna cu, California, Michigan Kentucky, Virginia le Delaware an si. Mah state pawl zong hi democrats pawl an chahnak hmun deuh an si.

On hram a thawk cangmi hi state 35 an si i, A cheu bang an on i, Partial Reopening an ti. Mah state 35 ahcung ah hin a tam deuh cu Republican pawl an thawnnak le an chahnak state tam deuh a si. Republican nih hin sipuazi hi tha an pek deuhmi a lo. Democrats state tam deuh nih hin federal cozah sin in bawmhnak hmuh an duh caah on zau an duh lo. Asinain Republican party cozah an sinak state ahcun amah tein an cawlcang. Credit: Salai Lairamthang

Leave a Reply