Breaking News: Falam Peng Chungah Tuni Lawngah Sac Ralkap Helicopter 6 Tiang An Kal. Chin ramkulh falam peng falam le rihkhawdar ah nihin august 11 zinglei suimilam 7:00 in zaanlei suimilam 4 tiangah khan cun sac ralkap helicopter a voi 6 tiang atum tiin khuami nih cun an chim. Rihkhawdar sang 2 nak sac ralkap sakhan ah cun zinglei suimilam 7 tiang ah sac ralhrang hna nih helicopter voi 3 tiang atum.

Zaan lei suimilam 3:00 hrwangin falam vankau tlang ah helicopter voi 3 tiang atum tiin theih asi. Myanmar ramri Rihkhawdar ah sac ralkap le chin tualchugn hriamtlai phu kar kahdohnak achuak i sac ralkap le tat-yin hmu pakhat telh in ralkap 5 an thi cang. CDM an tuah i sac ral kap helicopter nih hin ralkap thazang le hriam thazaangchap in le miruak thiat asi kho tiin khuami pakhat nih cun hi konglam hi avan chim. The Chin Post

Thawngdang Thla 7 Chung Ah CJDC Nih SAC Ralkap 900 Nak Tam Leng An Thah Khawh Hna. Thla 7 Chung Ah CJDC Nih SAC Ralkap 927 An Thah Khawh Hna. Chinland chung ralkap phu hna an i fumtomnak Bu Chinland leiin Joint Defense Committee (CJDC)” nih 2022 khan January 1 in july 31 tiang ah SAC Ralkap le Chin ralkap voi 220 kan i kap i SAC ralkap 927 an thi. Chin ralkap 53 nih Chin Miphun le ram caah nunnak an pek ve tiah August 11 ah Cathanh an chuah.

Kahdohnak a chuahnak hmun hna cu, Tonzang peng ah (2), Paletwa Peng (7), Thantlang (9), Tedim (13), Matupi (18), KKG (Kalay Kabaw Gangaw ( 23), Kanpalet (24), Mindat(35), Falam (44), Hakha (45) tiin kahdohnak voi 220 a chuak tiah an cathanh ah an langhter. SAC ral kap a thimi zat ahhin Thantlang Khuachung kahdohnak ah a thimi zat langhter / telhchih asi lo.

Thawngdang Breaking News: Chaung U Ah SAC Ralkap Bom Puah Hnawh An Tong, 14 An Thi. Chaung U ah SAC ralkap bom puah hnawh an tong, 14 an thi. Sagaing ramṭhen, Chaung U peng August 10 ah SAC ralkap pawl bom puah hnawh an tong i 14 an thi tiah Chaung U PDF nih a thanh. Ani August 10 zinglei sml 6:35am ah Chaung U lentecelhnak certual le Se-Myaung zung ah hmunhma a khuarmi SAC ralkap cu JAMMER in ralkap 30 hrawng ke in ralkap 15 an si.

Ralkap 45 hrawng Chaung U in Khinmon khua lei ah bomrap thianh ding in an chuak i Aungchiantha khua le Khinmon khua karlak ah bom puah hnawh an tong tiah theih a si. SAC ralkap pawl cu Khinmon khua pawngah a ummi cinthlak dum pawngah bom puah hnawh an tong chap i SAC ralkap 14 an thi, tampi an i hliam tiah Chaung U PDF nih a thanh.

Thawngdang Magway ramṭhen, Myaing peng thlanglei ah rallam a sialtu SAC ralkap pawl nih nizan August 10, zinglei sml 7:00 ah Paukpin kaing khua cu an khangh caah inn 38 a ciam, tiah M.V.P Revolution Force nih an thanh. SAC ralkap pawl cu August 9 chun sml 12:00 hrawng ah Paukpin kaing khua an phan i, a thaizing August 10 ah inn an khangh i inn 38 a ciam. Khuami pathum cu lam hmuhsaktu ah an tlaih hna i, zanlei ah an thlah ṭhan hna, tiah theih a si.

Paukpinkaing kiangkap khuami hna cu a himnak hmun ah an zaam dih. Nihin August 11 zing sml 7:00 hrawng ah Myaing peng, Pantaingtaw khua an khangh ṭhan i, sml 9:30 hrawng ah Nguang khua zong an khangh chap. Thailand Motor Lehnak Ah AThimi Myanmar Mi Hna Chung khar Cu Baht Sing 20 Cio An Pek Hna Lai: Thailand ram ah motor lehnak in a thimi Myanmar rianṭuantu panga chung ah pali hna chungin khar cu Baht sing 5 cio an pek hna lai, tiah Thailand um Myanmar rianṭuantu Embassy zung nih cathanh an chuah.

2022 January 20 ah khan Kanchanaburi ramkulh No. 323 lampi ah aa letmi motor pakhat cu, Tonfa Pham pengkomh in phung ning loin a rami a si i, check gate in kir ṭhan aa timh lio ah motor ngan (ke 10 ngei) nih a pah caah Myanmar rammi panga an rak thi. A thimi pali hna chungkhar ca ah Baht sing 20 cu Embassy zung a phan cang. An chungkhar cu Thailand ah rat hau loin tangka cu an kuat hna lai tiah theih a si.