Falam le Hakha Kar Kahnak Ralhrang 20 Tluk An Thi Cang. Kahdohnak Peh Ding Ruahdamh A Si. Tutan CNA, CDF le CNDF i bawm in atu hi Ralhrang an khamnak i kahdohnak ah Kawl Ralhrang a tlawm bik 18 an thi cang tiah kahdohnak lei nawlngeitu upa pakhat sin in July 8 zaan 8 pm tluk ah kan theih. A nikhatnak kahdohnak hi Lungrang le Taal karlak a si. Kanmah lei nih Meithal zun khat hmanh puah lo in Bomb lawng kan hman rih tiah raldohnak lei ah ummi upa pakhat nih a chim.

 

Kahdohnak a pehzulh rih lai caah, thlacamnak he rak kan bawm hram ko uh tiin a chimchap. A nikhatnak kahdohnak ah ralhrang nih Falam lei in, bawmtu an hal hna caah zaanlei sang in Ralhrang minung 50 tluk an rak ra i, Lungpi khua tiang an phan cang tiah theih asi. CNA, CDF le CNDF lei kahdohnak ah a telmi hi voidang tawn si lo in ahlei in cawnpiaknak pekmi Special Forces an si. Minung a kalmi poahpoah zumh nak le ralthatnak faakpi in an ngei dih tiah raldohnak tlangtla tu upa sin in kan theih.

 

Thawngdang Himnak Hmuh Duh Ah Innchung Ah B.E Abaa In A Ding Mi Rallokap Hna. Rallokap Caah a himbawm mi Hmunhma hi aum lo tluk asi cang. Lakphak dawr ah an to kah an si. Beer dawr ah and I ṭhu, kah an si tho tho. Cucaah a herh lo ah Raldohnak hmun ah Motor in an kal dah ti lo ahcun Ralkap leng chung ah an I thup a baa in an cawk mi B.E cu an din. BE nih an lung a thawh ter I leng chuak an duh Saikel hnu ah an I pher Lamkam in a bawh mi mipi ralkap hna nih, tla lak in le ril ko in an kahthat hna.

Motor seh kan cuang an ti, motor thla lang pemh lak in an kah I Rallokap zong an ril chih ko. Motor pakhat lawng cu an ti le motor tampi in an kal. Lamkam ah an chiah mi bomb rap in an kah ciamman hna I minung chimh lo, an motor zong aa let dih. Thetse hlah maw tiah an va bih Bomb an kamh mi a rak si. Thetse bag a va zoh tu le a Hawikom Rallokap cu an ruak char awk an um ve ti lo.

Mipi ralkap nih Drone in an Sakhan ah bomb in an kah hna. A puak lo ding in Sala eik ah an thlak mi aum. Mipi ralkap an um lo lio ah tiah a va deh sual ciammam I, a ruak char awk aum ti lo. An Sakhan zong ah Dindeih tein an merem khawh ti lo, Rallokap hi. Mipi Vanlawng in kahthat tupa zong a kir lei ah Vate ruun nih an chimhrin, a van lawng Engine ah vate an lut sual caah Vanlawng zong rawk Pilot zong thih asi. Bawipa thlah mi Vate an si ko lai. Mipi Ralkap thah lai ṭih ah, Ruakkuang ah a zau I, aa thih ter mi pa cu Drone in an thlak mi Bomb nih a pah sual in a liam beh. Drone nih hmuh lo ding in, Thingkung tang ah an I thuh, Rul nih an tawcawr a cuk hna le rul siivai in a hnu ah an thi. Hi tlukin Mipi le nan ralkap nih kan tei ko hna mi cu maw, Ralhrang cozah he vaa Hawikom in Thantlang ah kan kir lai.

Khuapi kan remh piak uh tiah, Khua Nupa nih kan va ti laa. Thantlang cu va um ngat uh Ralphaw ah an I hmang hna lai le Nan fa le thihnak tu asi lai. Nan fale nan ralkap bu cihmih le that duh ah asi ti nan hngalh lomi hi zei Khawchia nih an molh hna, Zei Limkeng nih dah an hamh hna. Raldoh cuahmah lio ah ral daih hlan ah TEINAK hmuh hlan ah Khuapi a remh mi hi Vawleipi tuanbia ah aum bal rihlo. Kan in remh piak hna lai an ti zong ah zumh hlah uh. CDF le CNA cihmih in, CHINDLAND kha uk zungzal an duh ti kha hngalh ve tuah uh. Thantlang lawng in mah tin tuah khawh si ve cu aw.