Breaking News: Facebook Nih Myanmar Ralkap Cungah Hremnak An Tuah Cang

Myanmar News

Breaking News: Facebook Nih Myanmar Ralkap Cungah Hremnak An Tuah Cang! Mipi caah thawngttha si lio ah Myanmar ralkap ca ahcun thawngchia taktak si cang. Nihin ah khan Facebook company nawlngeitu hna nih Myanmar ralkap nih an hmanmi Facebook page le anmah nih an zohkhenhmi page vialte cu a remove (a thahpiak) dih hna. Cu lawng si loin Facebook he aa tlaimi pakhat “Intasgram” lei zong in an remove piak dih fawn hna. Cu lawng si loin ralkap he pehtlaihnak a ngeimi company-pawl zong nih advertise an ngeih mi vialte cu an phih-kham dih fawn hna.

Facebook Ban on Myanmar Military Officials Sparks Debate | Voice of America - English

Kan theih bantukin ralkap nih uknak an lak hnu in Facebook hi hmang kho lo dingin an phih len. Asinain mipi nih VPN hmangin an hman khawh. Myanmar ramchung ahhin January 2020 tiang ah khan facebook hmangtu hna hi minung 22.3 million an um i, ram mipi 40% nih an hman tiin social media management platform NapoleonCat nih cun a langhter. Source: Mizzima- The Hindu.

At Facebook, One Million Takedowns Per Day Is Evidence of Failure, Not Success | Council on Foreign Relations

Relchih: Tulio Kawlram CDM cawlcanghnak nih vawlei pi a hninh ti awk a si. Vawleicung media kip nih an chim an tial. Sikan an ngeihning an i ttanrual ning an ralthat ning chun ah sandah an piah zan ah kiam an cong. An tha a ba hrimhrim lai. Inn duah- motor khangh- thilfir le dawr bauhmi pakhat hmanh an um lo. Black Lives Matter (BLM) cawlcanghnak cu an tei cikcek hna. 2021 Nobel Peace Prize zong an ngah lai tiah zumhnak ka ngei.

Atu bantuk caan i CDM a lut duh lomi pawl cu democracy le federal kan ngah tik ah an ningzak te hnga dek maw? ramleng ummi hna nih kanmah le kan ti khawh tawk cio in bawmh khawh i zuam hna usih. Zahan zan Hakha mino pawl an cawlcanghnak le an ttanrualnak ka hmuh ah ka lunghmui taktak khi a si. Upatnak ka pek hna. Credit: Salai Lairamthang

Leave a Reply