Breaking News: Demoso Kahdohnak Ah SAC Ralkap 10 Hrawng An Thi I, Hriamthil Zeimawzat Laak A Si

Myanmar News

Breaking News: Demoso Kahdohnak Ah SAC Ralkap 10 Hrawng An Thi I, Hriamthil Zeimawzat Laak A Si. Demoso Kahdohnak Ah SAC Ral kap 10 Hrawng An Thi I, Hriamthil Zeimawzat Laak A Si Kaya ramkulh Demoso hmunram ah SAC ralkap le tualchung hriamtlai phu fonh hna karlak ah June 12 in HṭiPawsu khua le DawNgeKhukhua pawnghrawng ah faak ngai in kahdohnak a chuak i, June 13, zinglei suimilam 10:00 hrawng in a thaizing June 14 zinglei tiang kahdohnak a chuak ṭhan tiah theih a si.

Cu kahdohnak hna ah cun SAC ralkap 10 nak tlawmlo a thi i, hliamhma tuarmi zong an tam lengah hriamthil zeimawzat kan laak tiah DMO PDF nih an thanh. Cu kahdohnak ah cun tualchung hriamtlai phufonh lei cheukhat hliamhma tuar an um i, DMO-Local PDF zong in ralkap pakhat hliamhma a tuar. SAC ralkap kahdohnak ah DMO-Local PDF, KA, KNDF, Loikaw-PDF le tualchung hriamtlai phufonh hna an i tel tiah theih asi.

Demoso nitlaklei ah SAC ralkap nih nitin ngawt in hriamngan an thlah i, June 14 zong ah hriamngan kahnak ruangah khuachung inn pakhat cu kuan nih a tlak caah ngakchia pakhat le kum 50 tluk hrawng nu pakhat cu hliam an pu. SAC ralkap hna nih cun civil mi zong hrial lo in kahdohnak an tuah tiah DMO-Local PDF nih an thanh.

Mon Chief Minister PSO, Aye Min Tun Chungkhar Hna Cu SAC Ralkap Nih An Tlaih Hna! Mon ramkulh Chief Minister Dr. Aye Zan Dr. PSO rianṭuantu CDMer palik sen 3 Aye Min Tun i a nu Daw Naw Sat Ta Pho a nau Kyaw Soe Aye le a farnu Khine Khine Aye  hna cu nihin June 15 zing Sml 11 tluk ah SAC ralkap nih Kyakhtoo peng Kyo Chaung khua i an inn ah an tlaih hna, tiah theih asi.

Tuzing Sml 11 tluk ah ka nu, ka naupa le ka farnu cu private mawṭaw 3 in an ra i, Kyaukhto palik sakhan bawi le palik 30 tluk nih an tlaih hna atu cu SAC ralkap bridage 44 sakhan chung ah an hren hna ti thawng kan theih,” tiah CDMer palik Aye Min Tun nih a chim. Aye Min Tun hi kum 22 minote a si i Dr. Aye Zan PSO a si pinah Mon ramkulh ah a chuak mi buaibainak vialte a tawlreltu a si tawn. SAC ralkap nih uknak an laak hnu ah CDM a tuah mi a. si.

Sualnak ngei lo mipi hna inn khanghpiak an ton i thahnawn an ton lengmang mi ahmuh tikah SAC doh ding in a lung aa thleng i, atu cu KNU bridage 1 ah mipi vengtu ralkap hruaitu a ṭuan lio mi a si, tiah theih a si. KNU bridage 1 hmunram Tathung pengkomh chung Kyaukhto Bilin le Tathung peng ah KNLA le PDF i bawm in SAC mawṭaw bomb puahhnawhnak le a thlithup kahdohnak pawl a chuak pah lengmang i kah dohnak zong a zual chin lengmang.

Leave a Reply