Breaking News- CNF in Paul C. Tha Aa Din

Chin News

Breaking News- CNF in Paul C. Tha Aa Din. CNF ah mihlun tak a simi, General Secretary hna a rak ttuan balmi Paul C.Tha nih a facebook ah CNF in aa dinnak kong a phuan.

Image may contain: text

“Kum sawmthum le kum hnih degree he ka rian kai lim. Mino pawl an tampi. Dawtnak he… Paul Smith” tiah a timeline ah May 21 at 2:41 AM ahkhan a taar.

Image may contain: text that says "Kung Ling Cease fire hnu cun a kan herh ti lo cu ta. Kan do thlen nak cu thanthar nih an peh ko te ko hna seh 2h Like Reply"Chinmi upa tam nawn nih an lung tthatlonak, an hnemnak le thazaang peknak in an comment cio. A cheu nih zeiruang ahdah a si? tiah an hal. An halmi ah hitihin a leh hna.

Image may contain: text

“CNF in ka chuak. Zan thum it lo hnu in ka decide mi a si. I cried a lot” tiah a leh hna. Sianglo buin, lungthin kekkuai buin aa din tinak a si. Cun, comment thiam in a dinnak kong a pehmi cu:-

No photo description available.

“Chungkhar caah ka tuan ve duh cang. An ttuan cio kan ttuan ve lai cu” tiah a ttial. A pehmi cu “I found nobody a revolutioner that’s why” tiah a ti.

Image may contain: 7 peopleCNF ah mihlun pakhat, Pu Kung Ling nih ” Cease fire hnu cun a kan herh ti lo cu ta. Kan do thlen nak cu thanthar nih an peh ko te ko hna seh” tiah a comment.

Image may contain: 3 people

Paul C. Tha nih aa dinnak a phuan hnu nikhat a dih hlan ah Canada ah Khuasa Pu Tawk Cung nih ” ”ZU” Kan Si Khawh Ding A Parpahlek Tiang A Kan Phaakterlotu, Lam Tanṭim Ah Mual A Kan Photer Zungzaltu ZU Hi, Hrial Caan Acu.” tiah a timeline ah a von taar colh i, Paul C. Tha telh in CNF Upa pawl a von tag chih viar hna.

Kei nihcun, Political mit in, ziah Paul C. Tha le CNF upa hi a tags hna hnga? CNF in Paul C Tha aa din hi ZUU ruang ah a si tiah a von phozar nak maw a si hnga? tiah ka ruah len lio ah pastor, Evangelist le a dang dang nih “ a dik, a hman, Amen, Amen” tbk in an comment ka hmuh i ka khuaruah a har ngai.

Note: Chin Politics ah event pakhat a si caah, recorded caah tiah news version in ka von taarmi a si. Comment le share khawh a si. Credit: Zasang Cinzah

Leave a Reply