Breaking News: CNDF Nih Cathanh An Chuah Arian Rannak In Kan Zulh Cio Ahau. Laitlang lei Ah SAC Ralkap Pawl An Kai Caah Kalay Falam Lampi Hman Lo Ding In CNDF Nih An Thanh! Nawlngeihnak latu SAC ralkap hna cu Kalaymyo in Chin ramkulh lei panh in an kai caah Kalay-Falam lampi cu hman rih lo ding in CNO/CNDF nih lakhruak ralrinpeknak cathanh nihin June 27, chunhnu ah cathanh an chuah.

CNDF nih Kalay peng le Falam pengchung ah SAC ralkap pawl cu an rak kah tawn hna i, a luancia May thlachung zong ah khan Falam in Kalay lei ah a kalmi SAC ralkap motor run cu CNDF le tualchung hriamtlai phufonh nih an rak kah hna. Culio kahdohnak ah cun SAC ralkap chungtel a thimi zong an um i, tualchung hriamtlai phufonh lei zong in nunnak liammi an rak um ve.

Banmauk Ah SAC Ralkap Nih Mipi Innlo An Khangh Pinah Khuami An Tlaih Hna! Sagaing ramṭhen Kata pengkomh Banmauk peng ah SAC ralkap nih CDMer midwife sii-inn tel in inn dang zong an khangh tiah Banmauk Revolution-BR sin in theih a si. Nihin (June 27) zinglei ah SAC ralkap hna cu Banmauk peng Kyauk Aing khua ah meithal puah pah in an lut i, inn cu an khangh pinah tualchung mi 30 fai an tlaih hna, tiah tualchung mi sin in theih asi.

Atu tiang ah inn 2 a kaang cang. Kan tlik pah a si caah inn dang a tlaih le tlaih lo cu kan hngal kho lo.Pa pawl cu an tlaih hna i ral phaw ah hman an timh hna,” tiah Banmauk Revolution-BR in rianngeitu Bo Tokyonih achim. Cun an pawngkam khua hna zong hriamngan in an kah i khuami cu an zaam dih hna. Ralzaam dirhmun in mi tampi a an um, tiah a chim chap. Tu chung hrawng hi SAC ralkap nih Banmauk thlanglei ah rallam an sial i, hmunkhat ah ralkap thazaang 100 cio in hmun 3 ah rallam an sial, tiah theih a si.