Breaking News: Ralkap nih hren mi Chin Ramkulh Minister cheukhat an thlah than cang hna!
Ralkap nih Myanmar ram uknak a laak hnu 2021 February 1 zinglei sang ralkap nih an tlaih mi Chin Ramkulh Minister cheukhat hna cu thalh than an si cang tiah Minister Pu Sui Thio sin in thawng kan theih.

“Minister cheukhat cu an kan thlah than cang. Atu hi inn ah kan thu ko. Chief Minister Salai Lian Luai, Hluttaw Speaker Pu Zo Bawi hna telh in Minister minung panga cu an hren rih ko hna. A tha te ko lai,” tiah Minister Pu Sui Thio nih The Hakha Post ah a chim. Ralkap nih uknak a laak hnu Chin Ramkulh Cozah zung. Hluttaw zung le Cozah lutlai hna umnak cu phihkhar dih a si i, a leeng lei in ralkap nih an congh. Credit: The Hakha Post

Relchih: Myanmar ram Ruahnakpetu Daw Aung San Suu Kyi nih an tlaih hlan ah zapi sin biacah a tial! Myanmar ram Ruahnakpetu Daw Aung San Suu Kyi le President U Win Myint tel in NLD upa cheukhat cu February 1 zinglei ah an tlaih hna i Ralkap nih Uknak (Aa-naa) an laak hlan deuh ah Daw Aung San Suu Kyi nih zapi sin ah biacah a tial taak.

Hi biacah a tial mi chung ah Myanmar ram Ralkap nih atu bantuk in thil an tuah than mi hi zapi nih cohlan awk a tha lo. Myanmar ram Democracy lei kan kal cuahmah lio ah ralkap uknak tang ah chiah than a timh mi hi cohlan awk a that lo ca ah zapi nih hi an thil tuah mi cu kan dohkalh hrimhrim a herh, tiah biacah a tial. Ref: Democratic Voice of Chin-DVC