Breaking News: Chin Pasal Tha Ralkap Hna Nih Ralhrang Tam Ngai An Thah Hna

Myanmar News

Breaking News: Chin Pasal Tha Ralkap Hna Nih Ralhrang Tam Ngai An Thah Hna. Tuni suimilam 1 hrawngah hiangzing ah Sac ralhrang cu tam ngai um mi hna cu chin pasal tha ralkap hna nih ceilak in ralhrang pawl 15 an thah khawh hna asinain kan mah chin pasal tha leiin cun pakhat fak ngaiin hliam atuar ve tiah PDF Zoland Nawl ngeitupa nih achim tiah Salai William HC nih facebook timeline ah alanghter hi asi.

Hi konglam he pehtlaiin CDM siyin nih atanglei bantuk in thawngthanh nak an tuah ve. An chim mi cu Kalaymyo le chin ramkulh pehtlainak mawtaw lam in arak ra i hiang zing khua hmunhma akhuarmi rlahrang hna cu CDM Siyin PDF Zoland kalay pdf ZOGAM army CDF KKG-2 ti mi hna chin ralkap hein fonh chih i january 21 zinglei suimilam 1 hrawngah an kah i atlawmbik ralhrang 15 an thi pinah sunglei an panh cang.

Thawngdang relchap Mon Ramkulh Chaung Sone Khuapi police sakhan ah duty rian atuan lio mi police pakhat cu amah tein meithal in atu hi a nunak alak tiah thawng pang cu alinsa ngai cang. Min Aung hlaing cu nikhat hnu nikhat in aralkap asung thluahmah cang. January 19 tukum zaan lei suimilam 3:00 hrawngah khan kum 30 leng asi cang mi nih cun amah le mah cu anunnak alak i atu bantuk hin athi ve colh. Min aung hlaing cu asung thluahmah cang lai teinak cu mipi ta asi deng cang.

Thawngdang Ralhrangbu cunglawi bawi hna nih an kuttang ralhrang bawi nupi hna cu a voikhatnak raldoh cawnnak an tuahter hna tiah hihi theih asi. Atu hi Captain le Colonel hna i an nupi le hna cu Mandalay ramṭhen Pyin Oo Lwin Shan ramkulh Taunggyi le Aungpan khua ummi ralhrang hna sinah kan hnuzarh khan an thawk i zarhhnih chung an cawng lai. An cawnmi chungah meithal kah lawng si loin hriam ngan hman ning le raldoh ning cheukhat hna an i tel tiah cawnnak aa telmi hna nih an chim.

Kum 2021, Feb 1 lio i nawlngeihnak lak hnu in ralhrangbu hnuchit in a zammi an tam cang caah minung a i nguhdeih ti lo i atu bantukin an nupi le tiangin raldoh an cawnter hna hi a si tiah The Irrawaddy nih cun a ṭial. Hmasa zongah ralhrang nupi hna raldoh an rak cawnter cang hna nain bawi hna nupi tiang cawnter a rak um lo.

Pyin Oo Lwin i ralkap university i Captain nupi pakhat nih cun A voikhatnak ralbawi hna nupi le raldohnak cawnnak kan ngei. Tutan cawn nak ah Captain le Colonel nupi hna kan i tel tiah a chim. Ralbawi nupi hna raldoh cawnnak cu a rauh hlan ah ram pumpi i battalion kip ah thawk a si lai tiah theih a si. A voikhatnak cawnnak ah aa telmi pakhat nih Zeiruangah ti kan thei lo anmah nih cun a herh caah an kan ti ko tiah a chim.

Hmuhtonnak tampi a ngei cangmi tlangcung hriamtlaibu hna le ralhrang uknak duh lo ruangah lungfah in hriam a tlaimi mizapi ralkap he kahdohnak ah ralhrang cu nikhat hnu nikhat an thimi an tam chin lengmang. Cu pinah ralhrangbu hnuchit in a zammi ralkap zong an um peng fawn. Cuti i athimi le a zammi hna airawlh kho dingin ralhrangbu nih anmah ṭanhtu Pyusawhtee, USDP chungtel cheukhat le ralkap hlun hna chungin minung an kawl peng tiah theih a si.

Leave a Reply