Breaking News: Chin Hriamtlai Phufonh Kahdohnak Ruangah Lt. Colonel Wai Myo Pai Athih Hnuin SAC Ralkap Nih Haimual Khua An Khangh

Myanmar News

Chin hriamtlai phufonh kahdohnak ruangah Lt. Colonel Wai Myo Pai a thih hnuin SAC ralkap nih Haimual khua an khangh Chin ramkulh Falam peng, Rihkhawdar le Tedim peng pawngah a ummi India-Myanmar thil phorhnak sakhaan, Haimual khua cu SAC ralkap nih August 14 zaanlei sml 4:45pm ah an khangh tiah theih a si.

August 10 zinglei ah, Chin ramkulh Falam peng India-Myanmar ramri, Rihkhawdar khua ah SAC ralkap commander Wai Myo Pai cu Drone in kahdohnak ruangah amah telh in minung 8 an thi tiah thawng rak theih a si. SAC ralkap pawl nih culio kahdohnak ruangah an thin a hung i atu bantuk in khua an khangh hi a si lai ruahdamh a si.

Thawngdang Kalaymyo Ah SAC Ralkap Nih Mino Pa Pakhat An Kah Thah! Sagaing ramṭhen, Kalaymyo Sanmyo sang ummi No. 8 sianginn pawng ah a luancia August 8 zanlei ah, tlangval no kum 21 mi Lin Lin Naing cu cycle in an kal lio ah SAC ralkap nih an kah thah, tiah theih a si.

May be an image of 1 person and indoor

Lin Lin Naing cu zaan sml 7:00 hrawng ah a hawile inn ah riak ding in a kal lio ah SAC ralkap nih cun an kah, tiah theih a si. A chungkhar nih va zoh ding in an kal ko nain ralkap motor aa chawh lio a si caah caan tlawmpal an hngah. A ruak cu sii-inn ah an kalpi i, an inn lei an va chiah tiang zong ah cycle tluk sualnak a si, tiah a chungkhar nih cun an ruah.

Lin Lin Naing cu Kalaymyo ah kum 4 chung lumeh(barber) a cawn dih in Yangon ah pehzulh in lumeh a va cawng chap. Kalaymyo ah lumehnak dawr hun ding in aa zuam cuahmah lio a si i, lumehnak thilri zong aa cawk dih cang, tiah tualchung mi nih an chim. Credit: The Chin Post

Thawngpang dang: Bago ramṭhen, Yetarshi peng, Sipithar khua lamtonnak pawng ah, August 13 zinglei ahkhan Yetarshi PDF ralkap pahnih cu SAC ralkap nih an tlaih hna, tiah theih a si. PDF ralkap pahnih an tlaih hna hnu ah Naypyitaw le Yetarshi PDF ṭangrual sakhan pakhat cu SAC ralkap nih an laak pin ah RPG zun khat telh in hriamnam le zen-kuan tam ngai an laak, tiah PDF ralkap pakhat nih a chim.

“PDF ralkap pahnih cu SAC ralkap nih an tlaih hna i cu hnu ah sakhan pakhat an laak. Sakhan chung ummi thilri zong SAC ralkap nih an laak chih. Cu thilri cu Naypyitaw lei in an kan bawmhmi a si,” tiah Yetarshi PDF ralkap pakhat nih a chim.

Yetarshi PDF ralkap pahnih tlaih an ton hnu ah Naypyitaw PDF hriamnam le zen-kuan cu SAC ralkap nih an laak dih, tiah Naypyitaw PDF nih an fehter. PDF ralkap pahnih an tlaih hna hnu ah SAC ralkap nih Yetarshi peng tualchung mi kum 14 ngakchia pakhat zong an tlaih, tiah tualchung mi hna nih an chim.

KIA le PDF Nih SAC Ngeihmi Myanmar Beer, Dagon Le Andaman Gold An Thlet: Sagaing ramṭhen, Intaw ah SAC ngeihmi Myanmar Beer, Dagon le Andaman Gold Beer a phortu motor cu KIA le PDF ṭangrual nih an tlaih i, Beer cu an thlet dih, tiah Indaw Revolution-IR nih cathanh an chuah.

A luancia August 12 zing sml 11:30 ahkhan KIA le PDF ṭangrual phu hna nih Intaw-Kyawngkone lam ah chekhlatnak an tuah lio ah, Mandalay in Intaw lei a kalmi motor pakhat nih a phorhmi Myanmar Beer bawm 180, Andaman Gold bawm 12 le Dagon Beer bawm 8 cu an tlaih i an thlet dih, tiah theih a si.

Leave a Reply