Breaking News: CDMer Sianginn Uktu Pakhat Cu Shanni Nationalities Army(SNA) Nih An Thah!

Myanmar News

CDMer Sianginn Uktu Pakhat Cu Shanni Nationalities Army(SNA) Nih An Thah! CDM a tuahtu Humalin peng Takketaungkhua middle school sianguk U Aung San Win cu Shanni Nationalities Army (SNA) nih an tlaih i, an thah tiah Humalin peng zatlang uktu phu nih thawng pang an thanh.

U Aung San Win cu July 16 zaan ahkhan tlaih a si i, a inn he aa naihnak Chaunggyi tiva kam hai kung tang ah an kahthah i, a ruak cu nihin tiang hmuh a si lo tiah an langhter. Saya U Aung San Win an tlaihnak a ruang cu pumpak in a rem lotu pakhat nih lih le hrokhrol in report a pek caah a si, tiah Humalin zatlang uktu phu nih cun an chim. Saya Aung San Win nih cun a nupi le a fale 3 a liamtak hna tiah theih a si.

Saya U Aung San Win A thattu cu SNA ralbawi pakhat, amin Lin Kyawa si i, Letpanthar  khua sianginn hmai duty post a hngaktu asi. Meithal i tlaih in lam ah aa chok mi hna cu a volhpamh hna i, a hrocer hna lengah a tukvelh tawn hna, tiah an chim. Cupinah mino pakhat cu PDF na si tiin a rak thah cang, tiah theih a si.

SNA hi SAC nih uknak a laak hnu in SAC ralkap he i bawm in raltuk cawnnak zong an ngei i, SAC a bawmtu le thazaang a petu ah aa tel mi phu pakhat a si. Myaing Peng Ah Ni 16 Chung Kahdohnak Faak Ngai In A Chuak:Magwe ramṭhen Myaing peng ah July 3 in nihin July 18 tiang pehzulh in ni 16 chung tualchung PDF le SAC ralkap kar kahdohnak faak ngai in a chuak, tiah tualchung PDF nih an thanh. SAC ralkap hna cu Myaing peng mizapi vengtu ralkap phufonh Myaing PDF, Pungtaung Ngenaung Star Pale pah-kah-phah batallion 1, Bo Yakkhah Special Commando Force le Myaing peng PDF hna i bawm in an kah hna, tiah theih a si.

Leave a Reply