Chinram Ṭhalno dothlengnak ih huham nei bik CDF-Mindat cun SAC ralhrang i tlawng phuan thu le non-CDM tlawng saya/ma thu ah a tang lam bangin daan khoh zet an suah rupro. SAC ralhrang in dik lo zetin rampi thuneihnak a lak hnu acozah hnaṭuan pawl CDM tuah ih mi pi lamah ṭang dingah sawm nan si zo ih SAC ralhrang thawn pehzomtu acozah hnaṭuantu pawl parah hrem dingin vei ziangmawzat theihternak kan nei zo.

Ṭhenkhat acozah hnauantu pawl cu SAC ralhrang thawn hnaṭuantlang nan um rero lai ih 2022-2023 Fimzir kum khalah SAC ralhrang thawn ṭuantlang tahratin tlawng pawl phuan dingah nan zuam rero. CDF-Mindat cun SAC ralhrang thawn pehtlaihawknak neitu acozah hnaṭuan pawl hremnak ngaingai pe loin theihternak fang lawng pek a si ruangah ṭhenkhat cun ziangah nan siarlo ih SAC ralhrang thawn hna nan ṭuantlang.

Curuangah CDF-Mindat cun tu ihsin thok in SAC ralhrang thawn pehtlaihawknak neitu acozah hnatuan pawl cu a tak rori in hremnak pek thlang ding a si ih 2022-2023 Fimzirnak ah SAC ralhrang ih onmi tlawng pawl ah cazirhtu tlawng saya/ma pawl cu nan phutawk hrem nan si hleiah nu le pa khalin SAC ralhrang tlawng ah nan fate pawl ret loin le nan ret thotho asile buainak a thlen tikah CDF-Mindat in ṭuanvo kan lak lo ding thu theihter nan si. Credit- Ihburlen