Breaking News: CDF-Mindat Hruaitu Pakhat I Hringtu A Pa Cu Bomb Hliamhsualnak In A Nunnak A Liam!

Myanmar News

CDF-Mindat Hruaitu Pakhat I Hringtu A Pa Cu Bomb Hliamhsualnak In A Nunnak A Liam! CDF-Mindat hruaitu pakhat i hringtu a pa CDF hna ca ah thil chantu pakhat a simi cu nizaan August 17 ah bomb i hliamhsualnak in a nunnak a liam tiah theih a si. A nunnak thaw a cah lai te ah Ka biakam ka tlamtlinh lo caah ka ngaithiam u tiah bia a roh ta tiah a pawng um mi nih an chim.

May be an image of 1 person and sitting

Thawngdang Myanmar Ram Mipi Caah Thawngpang Chia Ngai Asi Apoituk Ee! Social Platform Thar Kan Chuah Lai Tiah SAC Nih Achim. Hi Myanmar ram ah Facebook kan phih lai i Social Platform thar kan chuah lai tiah SAC nih a chim. Myanmar ram ah mipi hna nih hman a tam bik mi Facebook cu kan phih lai i Facebook aiawh ah adang Social Platform pakhat thiamsang pawl he kan ser lio a si tiah SAC biachim nak nawl a ngeitu Zaw Min Htun nih a chim.

Myanmar ram ah Facebook kan phih lai i Social Platform thar kan chuah lai tiah SAC nih a chim

Facebook cung in rampi buainak an chuahter tiah kan ruah caah atu bantuk in kan tuah hi a si tiah a chim. Culengah Facebook in tangka a lut khomi fakthanh pawl zong kha an kham lai tiah a chim. SAC hi Facebook nih hmunhma pek loin a thlak lengmang ruang Myanmar ralkap nih Russia ram ah an va i zuammi raltuk cawnnak ah laksawng an co lio i Myanmar ram hla in an lawmhnak hna muicawl cu Facebook nih voi tampi a hloh tiah Zaw Min Htun nih a chim.

Facebook aiawh ah Social Platform pakhat cu SAC kuttang zung le thiamsang pawl nih an ser lio tiah a chim ko nain zeibantuk dah a si ti cu a chim lo. SAC cu Facebook telh in Google le adang dang social platform nih an hnawh lengmang caah atu bantuk in an tuah hi a si. Atangleiah thawngdang relkhawh asi.

Thawngpang dang: Myaing PDF nih SAC ralkap pawl nihnih chung bom an puah hnawh hna i 8 an thi. Cuka hmunhma ah kuan, bom le raltuknak thilri pawl kan lak khawh tiah Myaing PDF nih August 16 ah a thanh. Myaing peng, Tengyi khuate le Tat khuate karlak ah August 15-16 tiang Myaing PDF nih SAC ralkap pawl bom an puah hnawh hna.

August 15 ah eidin a rak puttu ralkap mawṭaw 2 cu bomrap an puah hnawh hna i SAC ralkap 1 a thi 3 an i hliam, cun a bawkmi SAC ralkap pawl an lau tuk i thingkung tang an i thuh lioah bom an puah hnawh ṭhan hna i SAC ralkap 3 an thi, 1 aa hliam tiah an thanh. August 16 zongah August 15 kahdohnak hmunhma ah hmunhma a lami SAC ralkap pawl cu bomrap an puah hnawh ṭhan hna i SAC ralkap 3 an thi, 2 an i hliam tiah a thanh.

Cuka hmunhma kahdohnak i a thimi SAC ralkap ruak char ding in a raami SAC ralkap pawl cu August 17 ah bom an puah hnawh ṭhan hna i SAC ralkap nih a pawngkam ummi dawr zuartu 2 an thah hna tiah Myaing PDF nih a thanh. Cucaah mipi hna nih SAC ralkap an umnak he hlatpi ah um ding in Myaing PDF nih a thanh.

Leave a Reply