Breaking News: CDF-Matupi Nih Non-CDM Hna Ca Ah Ralrinpeknak Cathanh An Chuah!. CDF-Matupi Nih Non-CDM Hna Ca Ah Ralrinpek nak Cathanh An Chuah! Hramhram uknak latu SAC nih 2022 June thlachung ah Myanmar rampi huap in sianginn onnak le SAC ralkap rian ṭuannak tlamtling deuh a kal khawhnak ding ah timhtuahnak an ngei. Cu timhtuahnak an ngeihmi cu SAC ralkap rianṭuannak kan tlam a tling ningcang tein kan kal ko tiah ramkip sin i theihternak le langhter an duh ca ah asi.

Chin ramkulh Matupi khuachung zong ah SAC ralkap nih sianginn onnak an tuahmi ah pehtlaihnak le teltumnak ngei lo ding in Matupi peng kulh fimcawnnak zung rianṭuantu hna le nulepa sinah theihternak cu Chinland Defence Force-Matupi nih an tuah. Cheukhat fimcawn nak zung rianṭuantu hna cu mah pumpak ca lawng ruat in SAC ralkap nih an onmi sianginn a tlamtlin khawhnak ding ah siangngakchia nu le pa cu tlerhkhonhnak phunphun tuah in ca an cawnpi hna tiah theih asi.

2022-2023 cacawn kum ah NUG hruainak in Matupi Education Board (MEB) nih ngakchia cacawn an tlai nakhnga lo sianginn onkhawhnak lam an tawlrel cuahmah lio a si. Cucaah nu le pa nih kan fale cu SAC ralkap kuttang um sianginn ah fim cawnter lo in, MEB nih timhtuahnak a ngeihmi sianginn ah i ap ding in theihternak an tuah. SAC ralkap rianṭuannak a hlawhtlinnak ding ah teltumnak a ngeimi departments kip in Non-CDMers hna le thazaang apetu nu le pa hna cu Chinland Defence Force Matupi nih fak piin hmalaknak a tuah lai tiah June 6 ah theih ternak cathanh an chuah.