Breaking News: CDF-KKG Ralkap Meithal Kuan An I Za Lo. SAC Ralkap 10 Leng An Thi i Mipi Ralkap 2 An Thihnak HeaLoh Khua Kahdoh nak Kong CDF – KKG Ralkap Pakhat Nih A Chim. SAC ralkap 10 leng an thi i mizapi vengtu ralkap 2 an thihnak HeaLuk khua kahdohnak ah hriamnam le kuan an i za lo i harnak faktuk an ton nak kong Chinland Defense Force – Kalay Kabaw Gangaw ralkap pakhat nih a chim.

Thazaang 100 hrawng a si mi SAC ralkap cu Mizapi vengtu ralkap phufonh nih Kalaymyo HeaLuk khua pawng ah,June 22 ah an kah hna nak kong he pehtlai in CDF-KKG ralkap pakhat nih Social Media Facebook cahmai ah langhter. Kahdohnak ah Mizapi vengtu ralkap kan tam Nain Gun meithal a that lo caah kahdohnak ah a kal ngam lo an tam. Cu chungah cun keimah zong ka tel. Kei cu thalpak( Lai meithal) te kaa tlaih caah Saya pakhat sin in Sniper ka hlan i SAC ralkap hna cu ka thah khawh ve hna tiah ka nuamh lio ah kuan a tlawmtuk caah kuan nih a ka deih hoi lo. Harnak fak piin kan tong tiah a tial.

SAC ralkap nih hriamngan thazaang tamtuk in an kan kah caah hartuk in kan nunnak ruah ah hnu kan tolh tiah a chim. June 22 zinglei Sml 9:30 thok in suimilam 3:00 chung kahdohnak cu a chuak i SAC ralkap 10 leng an thi i tampi hliam an tuar tiah CDF- KKG nih cathanh an chuah.

Mizapi vengtu ralkap phu in ralkap 1 Vakok/ NA( CNDF ) ralkap 2, PDF Kalay ralkap 1 tiin an zapi 4 hliam an tuar i, 2 an nunnak a liam. Cun HriamnAm thazaang ai thlau tuk ruangah mipi ralkap 2 an nunnak a liam caah mipi zong nih a si khawh chung in nan kan bawmh rih nak lai kan in nawl hna.

Hmaisuang /ral ram ah kal chun ve law na theih ve kho lai. Bawmhnak tampi kan herh nak kong hi meithal cawknak na pek khawh lo zongah kuan cawknak tel cu kan bawm rih ko uh tiah kan in nawl hna. Kanmah lei zong nih nunnak pek bak in kan doh ve lai i nanmah lei zong nih a si khawh chung in kan bawm rih ko uh tiah CDF- KKG ralkap chungtel pakhat nih nawlnak ca tial.