Breaking News: CDF-Kanpetlet Nih Tuni Fak Ngaiin An I Kahdohnak Konglam Aphuan. Chinland Defense force Kanpetlet ah rallam arat chuak mi Sac Ralhrang minung thazang 185 tluk in arat ra mi ralrhang pawl cu fak ngaiin an i khawng i CDF-Kanpetlet tat-yin 2 lei Vakok sakhan cu nizaan in an kulh. CDF-Kanpetlet nih kan sakhan cu zeiti hmanh in chuah tak lai cun kan rak duh lo caah kan si khawh tawk in kan kah ve hna i kahdohnak cu arau deuh men ko lai.

Cu tikah minugn thazagn le ralkap thazang a thleidang tuk caah kan chuah tak rih. Asinain ralhrang minung 30 leng cu an thi hrim hrim lai ti afiang ko. CDF Kanpetlet sakhan ah arak ra i hmunhma ala mi sac ralkap pawl han cu tuni zinglei tuan deuh ah CDF pasal tha hna nih kan va kulh dih hna i kan kah colh hna tiin achim.

Thawngdang Hakha Ah Mai Van Lawm Par SAC Ralkap Nih An Tlaih Chin ramkulh, Hakha ah nihin June 11 zing sml 11:00 hrawng ah cun Hakha in Gawgaw lei kalnak chek gate ah Hakha Mann motor cu SAC ralkap nih an chek. Thantlang peng Dawn khuami Van Lawm Par arak phone ah uniform he aa thlakmi hmanthlak an hmuh caah, CDF he pehtlaihnak na ngei an ti i an tlaih,tiah ralkap kuttang thawng ṭialtu hna FiftyTwo News nih a langh ter. Hi kong hi The Chin Post nih hlathlainak kan tuah tikah Van Lawm Par cu Thantlang peng Dawn khuami asi ko tiah kan fehter.

Thawngdang CDF-Kanpetlet Nih An Sakhaan An Zam Taknak Konglam Cu Phuan Asi Cang. Vakok Sakhan an rak chuahtak nak kawng CDF Kanpetlet nih cathanh an chuah. Jun-11, CHIN Ram chak lei Kanpalet myonay chung um CDF -Kanpalet B-2 umnak Vakok Sakhan cu jun thla 9-10 ni hna ah SAC nih kalhawh in ral an serh hna i Minung thazaang hriamnam thazaang ai thlau tuk ca ah chuahtak a si nak kawng CDF-Kanpetlet nih ca thanh an chuah nak in theih asi.

Ca thanh ah cun jun-9 ni i kahdoh nak i, atuar deuh mi ralhrang hna nih jun-10 ni ah CDF-Kanpetlet B-2 Vokok Sakhan cu thazaang tamtuk in pehzulh ral ser nak an nei i zing lei Sml 7:00 in 9:00 kar ah voi -1 Chuunhnu Sml 1:00 in 4:00 leh ti hrawng tiang voikhat Voi -2 bak kah doh nak a um i ralhrang 15 thi in 30 hliam an pu CDF-Kanpetlet le an tanti hawi lei in (2) hliam an tawng tiah an langh ter. Ralhrang hna nih hin Kyauhthuh in 120 MM le Mindat Khah-Lah-Yah 273 in 120 MM hriam ngan hmang in Vokok Sakhan cu voi tam tuk an kah hna nak le thazaang ai thau tuk in ralan ser hna nak cu an langh ter chih. Kanpetlet pawngkam um khua -10 in khuami hna cu kahdoh nak ruang ah ral an zam tiah theih chih a si. Credit: LKZ News