Breaking News: CDF Halkha Nihin Zingka In Hniarlawn Thar Pawngah An I Kah nak ah Sac Ralkap 4 An Thi. Halkha in Dokthek khuakam taang ralhrang bawm timtu arakra mi le CDF Halkha nihin zingka in Hniarlawn thar pawngah an i kahnakah ralhrang 4 an thah hna, a tuzong hi cuka hrawngah cun an i kap lio tiah theih asi.

Thawngdang relding Sac Ralhrang Cu Ramthlo In Hakha Lei Ah An I Thawh Ralkap 9 An Thi Chap. SAC Ralkap Pawl Cu Ramthlo In Hakha Lei Ah An I Thawh Chin ramkulh, Falam peng Ramthlo in SAC ralkap pawl cu Hakha lei hoih in an i thawh ṭhan cang tiah kan theih. Dokṭhek khuami pakhat nih ralkap pawl cu nihin July 13 zing sml 11:00 hrawng ah kan khua an phan cang. Ralkap pawl cu ke in an kal chung, motor bel kan khua ah an um rih ko tiah The Chin Post ah a chim.

Kan khua hi atu tiang cu a him rih ko. Nihin July 13 ahcun kahdohnak a um rih lo. Kan ṭih bikmi cu SAC ralkap tam tuk an thih cang caah Vanlawng nih a bawmh hna lai ti hi kan ṭih bik ko. Khuami hna cu thinphang thlalau in kan um ko tiah a chimchap. Atangleiah  hin thawng dang peh chap asi.

July 12 Palaw Kahdohnak Ah SAC Ralkap 9 An Thi. Tanintharyi ramthen, Palaw peng nizaan july 12 kahdohnak ah SAC ralkap 12 an thi.
Pawatkone khua ah nihin July 13 zinglei Sml 10:00 hrawngah kahdohnak an thok țhan cang tiah mizapi vengtu ralkap pakhat nih People’s Spring ah a chim.