Breaking News: CDF-Hakha An Thinhung Tuk Cang Aherh Taktak Mi Cathanh An Tuah Cang. SAC Ralkap Nih atu hi Mipi Umnak Lei Hoih In Hriamngan An Kah Ruang Ah CDF Hakha Nih Duhlonak Cathanh An Chuah! CDF-Hakha Council nih cun SAC ralkap nih mizapi umnak lei hoih in hriamngan an kah tawn ruangah tualchung mi hna nih harnak an tong i, nunnak a liam mi tiang an um caah duhlonak cathanh an chuah. CDF-Hakha Council nih cathanh an chuah mi cu atang lei bantuk hin asi.

2021 February 1 ni thok in mizapi sin in uknak an kan chuh i rampi nawlngeihnak hramhram in a la mi Min Aung Hlaing le a ralhrang ralkap hna nih mizapi umnak hmunhma lei tinh in hriamngan duhpaoh in an kah mi cungah CDF-Hakha Council nih fak piin duhlonak kan langh ter. 2022 January 9 ah ralhrang nih Rungtlang in hriamnagan an kah mi cu Nabual khuachung ah atla i inn lo arawh pin ah nu pakhat hliam hma apu.

2022 March 6 ah ralhrang kah mi hriamngan Hniarlawm khuahlun khuachung ah a tlak ruang ah nu pakhat hliamhma a tuar. Cun 2022 August 10 ah ralhrang kah mi hriamngan nih Hniarlawn khuahlun Pi Chia Hnem inn cung ah a tlak caah a nunnak a liam. Hakha peng chung ah ralhrang kut in inn 30 leng a rawk i mipi 6 ralhrang kut in an nunnak a liam.

Ralhrang nih mizapi cung ah an kan tuahto hi ruah tik ah lung a fak ko. Cucaah mizapa kut ah rampi nawlngeihnak a phak hlan tiang lung rual tein Min Aung Hlaing le a ralhrang ralkap hna hi doh ti hna u sih. Cun CDF-Hakha cu mizapi humhim kilvennak caah dirhmi a si bantuk in ralhrang nih mizapi tlerhnak caah mizapi lei hoih in hraimngan a kah mi hi fak pi in kan doh. Hi hnu hmailei cu fak deuh in hma kan lak cang lai caah mizapi zong fimkhur tein thut dir i umkal i ralring hna u sih. CDF-Hakha Council