Breaking News: BREAKING NEWS: US Ah Pi Tum Ṭial Ar Zuatnak Inn A Kaang!-(VIDEO)

World News

BREAKING NEWS: US Ah Pi Tum Ṭial Ar Zuatnak Inn A Kaang! US ram Georgia state ah a ummi Pi Tum Ṭial ar zuatnak inn cu US lei tu zing August 3 ah a kaang, tiah theih a si! A kanghnak a ruang hi fiangin theih khawh asi rih lo! US ram ah bantuk thil acang mi kan mah lai mi sinah avoikhat nak theih asi.

Meithat lei ṭuanvo ngeitu hna nih cun miset (Generator) an chiahnak in aa thok mi a si lai, tiah an zumh! Ar inn hi a sau pe 400 le a kauh pe 40 a simi pali a um i, inn khat ah ar 20,500 an chiah! A kaangmi hi inn hnih a si i ar zong a kaang chih dih tiah theih a si! Pi Tum Ṭial cu Thantlang peng Vomkua khuami an si! Kan hnulei ah a pasal nih a thih tak caah a fale 5 he khua a sami an si!

https://www.facebook.com/100064233931827/videos/pcb.423982836419511/586281036230755

Thawngdang CDF-Zophei Cathanh: August 3 Timit lei kahdohnak thawngpang! Timit hleidonh ding in a raa mi ralhrang, Lungkhar lei a kai mi minung 80 tluk cu CNA- CJDC ralkap- CDF–Zophei- CDF- Hakha- CDF–Thantlang le CDF-Lautu nih August 3 ah voi hnih tiang an kah hna i ralhrang lei in minung pathum an thi i hliam a tuar mi zong an um.

May be an image of outdoors

Nihin kahnak ah a pikpak tete in suimilaam 1 in an i kap i faak deuh in kahnak hi cu voi hnih a si. A voi hnihnak hi cu zaan lei deuh a si cang ca ah a thi mi le aa hliam mi hngalh khawh a si lo. Ralhrang lei nih hriam ngan an hman lengmang ca ah naih khawh a si rih lo i ralhrang zong an umnak in an chuak ngam rih lo.

July 31 in nihin tiang kahdohnak a um i Ralhrang zong an kir lo ca ah CDF Phukomh zong nih an hram in an bawh rih hna. Ralhrang lei Timit ah hmunhma laak an timh ca ah kahdohnak pehtlai in a um peng rih kho. Credit: CDF-Zophei

Thawngpang dang: SAC Ralkap Nih Rakhine Ram Chung Ah Minung 60 Hrawng An Tlaih Cang Hna!: SAC ralkap nih June thla le July thla chung ahkhan Sittwe Myauk U Kyauktaw Minpia Palatwah Kyaukphyu Maungtaw Yatehtawng le Pungnakyun khua hna in minung 60 hrawng cu an tlaih hna, tiah theih a si.

Tlaih a tongmi hna chung in minung 15 hrawng an thlah ṭhan hna. Tlaihkhih a tongmi hna cu ramchung buainak a chuahtertu an si tiah sualphawt in tazacuai mi zong an um i, tlaih ton hnu ah a tlaumi zong an um, tiah theih a si. Atu bantuk in SAC ralkap nih hriamtlai phu he an buainak ruangah tualchung mi hna telhchih in tlaihkhihnak le tazacuainak a tuahmi hi an ngol a hau, tiah Rakhine nuhrin covo lei rianṭuantu phu in director U Myat Htun nih a chim.

“SAC ralkap nih an tlaih mi hna cu sualnak phunphun kawl in sual an phawt hna. An Tlaih hna tikah ningcang lo in bia an chimter hna i, rallam sialnak hmun ah an i kalpi hna i ralphaw ah an hman hna. An tuahto hna ning cu nuhrin covo he aa kalh mi a si,” tiah a chim chap. August 1 ah SAC ralkap nih Kyauktaw khuami 3 an tlaih hna hnu in August 2 ah Arakan Army(AA) nih Maei peng hmunram uktu pakhat an tlaih ve caah kaphnih kar boruak a linsa ngai, tiah theih a si.

Leave a Reply