Breaking News: Bomb Thlahphoih Sualnak In CDF-Hakha Ralkap 2 Nunnak A Liam!

Myanmar News

Bomb Thlahphoih Sualnak In CDF-Hakha Ralkap 2 Nunnak A Liam! Zahan July 7 sml 9:30 hrawng ah Hakha ah bomb thlahphoih sualnak in CDF-Hakha ralkap pahnih an nunnak a liam, an ruak cu SAC ralkap nih an laak hna, tiah theih a si. July 7 zan sml 12:00 tiang ah SAC ralkap pawl cu No.1 sianginn pawngkam hrawng ah tam ngai an um, tiah mithmutu pakhat nih a chim.

May be an image of 2 people, tree and road

Thawngpang dang SAC ralkap Nih Thah Ruangah Mipi Athimi 2070 Hrawng An Phan. SAC ralkap nih thah ruangah mipi a thimi 2070 lei hrawng an phan. Myanmar ram ah hramhram in uknak lak a si hnu kum 1 leng caan chung ah SAC ralkap nih hramhram in thah ruangah mipi athi mi 2,068 le tlaih a tongmi 14,502 an um tiah Assistance Association for Political Prisoners (AAPP) nih a thanh.

SAC ralkap nih thah ruangah mipi a thimi 2070 hrawng an phan

Atu langhtermi cazin hi 2021 February 1 in 2022 July 6 tiang AAPP nih a khawhsuatmi a si i a taktak dirhmun ah a thimi an tam deuh kho tiah a langhter. Pau dothlennak chung tuni tiangah minung 11,436 tlaih an si i cu chungah 1,214 cu thongthlak dingin nawl chuah an si. Cun
Sual pawtmi chungah kum 18 tang hngakchia 2 telh in minung 74 cu thah ding in nawl chuah an si tiah a langhter. Hriawhnak in thah ding tiah nawl chuah a simi 41 telh in minung 115 cu thih ding in nawl chuah an si tiah a langhter. Hrenmi vialte chungin minung 3,045 cu thlah an si cang tiah AAPP thawngthanhnak in theih asi.

Thawngdang Thinphang Ngai Asi Ee! Hakha Lei Ah Ralhrang Mawtaw An Kal Cuahmah Lio. Falam in Kawl ralhrang pawl cu Hakha lei ah kal an i thawh cang. Lampi ah kahnak fak a chuak kho Chin ramkulh Falam in Kawl ralhrang pawl Motor 22 in nihin July 7,2022 sing sml 7:00 hrawng ah khan Hakha lei ah kal an i thawh cang tiah theih asi.

Kawl ralhrang pawl an kal pah ahhin an ralchiat tuk ah meithal an puah pah lengmang ti a si. Ralhrang Motor pawl hi Motor 5 in phu then in an kal tiah an chim.Mahhi Motor pawl hi June 29,2022 khan Kalay in a rak i thawh mi an si. Falam peng Khuamual ah sakhan thar pakhat an tuah i khuami pawl kha hramhram in rian an tuanter hna. Khuami ta Vok, Ar le Meheh kha man loin an thah i an ei hna tiah an chim.

Falam le Hakha kar cu nan theih cio ah Chin ramkulh chung ah kahnak a tam biknak a si tawn. Tutan zong hi kahnak fak a chuak lai a fiang kho. Falam le Hakha kar khuami hna cu ramtang ah an zam cang hna. Kan ralkap nih teinak an hmuh khawhnak hnga thlacamnak in bawm cio hna usih.

Leave a Reply