t Siang Hnem Cer . Halkha 266 tatzin le Nipi khuakar ralhrang le Chinland ralkap kahdoh lio ah Halkha lei in pajero a rak i cit mi pa pahnih le nu pakhat Siang Hnem Cer kum 27 hna cu kawl ralkap nih an kah cianman hna i, Siang Hnem Cer kum 27 cu thi lak ralhrang nih motor chungah an kah. Pa pahnih zong siizung ah an um tiah theih si. Ralhrang nih kanmah ralkap thah mi le motor accident phun an chim sual cun hohmanh nih zumh loding.

Thawngdang  Halkha 266 tatzin le Nipi khuakar ralhrang le Chinland ralkap kahdoh lio ah Halkha lei in pajero a rak i cit mi pa pahnih le nu pakhat Siang Hnem Cer kum 27 hna cu, kawl ralkap nih an kah cianman hna i, Siang Hnem Cer kum 27 cu thi lak ralhrang nih motor chung ah an kah. Pa pahnih tucu an him tiah theih si. Ralhrang nih kanmah ralkap thah mi le motor accident phun an chim sual cun hohmanh nih zumh loding. Credit: Salai Williams Hlawnceu

Thawngdang: Myanmar Ralzaam Kuat Tṭhannak Kong India Le Ralhrang A Thli Tein Biaruahnak An Ngei. Kawlram ralzaam hna kuat ṭhannak kong India le SAC a thli tein biaruahnak an ngei. Myanmar ram ah hramhram in uknak lak a si hnu ah innlo zaamtak in India ram lei ah a zaammi Myanmar ralzaam hna Myanmar ram kuat ṭhannak le hmunhma peknak kong India le SAC a thli tein ca an i kuatnak a thang.

SAC ramdang lei Minister U Wana Maung Lwin nih August 5 nithla in SAC zung ah a kuatmi a thlithup cakuat chungah Myanmar ram in India ram ah a lutmi, aa ṭhialmi pawl he pehtlai in thawngpang theih a si ahcun Myanmar ram lei ah theihter ve ding in Myanmar ramdang lei Minister le Myanmar ram he pehtlai in India palai cu July 26 ah tonnak kan ngei tiah aa ṭial. Cu kong he pehtlai in Myanmar le India ramri ah a ummi innlo a zaamtakmi hna rak kuat ṭhannak le hmunhma peknak ding caah Mizoram cozah nih Kolkata khua ah a ummi Myanmar SAC zungah theihternak ca a kuat tiah aa ṭial.

Mizoram cozah cakuat chungah Myanmar ram chung himnak dirhmun ruangah innlo a zaamtakmi Myanmar rammi hna nih an hmailei ca tiang himnak an herh rih caah ramri ah a ummi innlo a zaamtakmi hna an umnak hmun kuat ṭhan ding le hmunhma pek ṭhannak caah rianngeitu hna nih rian an tlamtlinhnak hnga umkalnak, himnak telh in adang an herhbaumi pawl bawmh kan herh ko tiah cakuat chungah hmuh khawh a si.

Cucaah Myanmar-India ramri ah a ummi innlo a zaamtakmi an umnak hmun kuat ṭhannak le hmunhma peknak he pehtlai in ramhnih cozah rianngeitu hna ṭha tein biaruah le tawlrelnak nawl pek ding, Myanmar lei nih lutlai zung khiahpiak ding in Myanmar ramdang lei zung nih SAC sin ah halnak a tuahmi kha hmuh a si.

Myanmar ram ah 2021 February 1 in uknak hramhram in chuh a si hnu ah Myanmar rammi hna cu SAC ral in himnak hnga caah India, Mizoram ah an zaam. India cu ralzaam he pehtlai in hnatlaknak min a thumi a si lo caah Mizoram ah aa dormi Myanmar ralzaam hna an umnak hmun kuat ṭhan ding in nawl a chuah i Mizoram cozah kha pressure a pek.

Asinain Mizoram Chief Minister Pu Zoramthangaa nih a ram chungah a rak dormi Myanmar ralzaam hna cu an umnak hmun ah ka kua ṭhan hna lai lo tiah India cozah a leh i tuni tiang ralzaam a don hna i ralzaam camp zong a dirh in a zohkhenh hna. Credit: The Chinland Post