Breaking News: Atulio Hakha Sining Cu Zangfak Ngeihchia Bak An Si. Atulio Hakha Pyidawtha Market Thil Man(September 2) Mah tluk ralhrang an bawi cuahmah lioah hakha khuapi chungah an meh thil zuar mi cu man fak taktak in an zuar i acaw kho lo mi caah cun lungrethei ngai ngeihchia ngai khi asi. Asi khawh ah cun aman an tum ah hin atha ko lai. Kawl ram hi him selaw ralhrang nih buai hna hlah selaw cu an va kai zongah azia deuh tuk mi khi asi.

Thawngdang Chainmyatarsi ah swab lak lio mi pakhat tel in minung 13 cu Covid-19 zawtnak ruangah an nunnak a liam. Mandalay ramthen, Chainmyatarsi peng September 1 ah,swab lak lio ah nunnak a liam mi Covid zawtnak a ngei lai tiah lunghrinh mi tel in Covid-19 ruangah minung 13 an nunnak a liam tiah Mandalay mibawmchan tu phu sinin theih a si. Mantawng Covid-19 cawnghhramhnak center in Covid mizaw pakhat, Mandalay sizung pi in minung 7 City hospital in minung 1, Ganhgaw sizung in minung 1 khuachung in minung 1 le Covid-19 zawtnak ngeilai tiah lunghrinh mi mizaw pahnih cu an nunnak a liam.

Atu langhter mi Covid zawtnak ruangah nunnak liammi hna cazin cu Mandalay khuachung mibawmchan phu cheukhat hna sinin theih mi a si. Mandalay ramthen chung Covid-19 zawtnak ruangah nunnak a liam mi July thla chung minung 2000 leng an si,cun August thla chung ah minung 700 hrawng an si tiah theih a si.

Nunnak a liammi hna chung in tamdeuh cu kum upa deuh mi hna le, zawtnak phun dang a ngeicia mi hna an si, cun sii-inn ah a zohter kho lo mi hna, sii-ai lei harnak a ngei mi le oxygen chambau ruang ah nunnak liam mi hna an si Ralhrang kuttang ngandamnak zung nih September 1 cathanh chuah mi ah Mandalay ramthen chung Covid zawtnak aa chawnh mi minung 16 an um tiah a langhter. Mandalay ramthen chung peng 20 ah Stay At Home ding in rikhiah a si.