Breaking News: Atu Hi EU Ramcheu khat ah Ram Meikangh A Chuak! Portugal hmun cheukhat le Spain ram thlanglei ah July 13, ah acres 20 renglo a kangh caah meithat minung a thong renglo nih mei an thah tiah Nawlngeitu hna nih an chim. European Union (EU) ram cheu khat ah cun khua caan linhtuk ruang ah Temperature 45 ° C tiang a phan tiah theih asi.

Spain ram ah cun Hatter 2700 renglo mei nih a kangh i meithat minung a thong renglo nih mei an thah i, tualchung mi 5000 renglo cu a him nak hmun ah i thial ding in nawlngeitu hna nih an fial hna tiah theih asi. Khualtlawngmi an tam ngainak hmun Portugal ram thlanglei zong ah khualtlawng mi an umnak pawng tiang rammei a rak kang tiah theih asi. Van ruahsur lo tuk ruangah temperatures Red level tiang a phan. Kan hnu thla zong ah Portugal rammei kangh ruangah mimung 130 renglo hliam an rak tuar i, minung 800 renglo nih umnak an rak i thial.

Thawngdang Inndaw Ah Tlaih Cia Mi Thlah Lo In A Dang Minung 10 SAC Ralkap Nih An Tlaih Chap Hna. Sagaing ramțhen Inndaw peng ah SAC ralkap an tlaih mi hna civil 15 cu thlah loin a dang minung 10 tu SAC ralkap nih an tlaih chap hna tiah theih a si. July 12 ah Kata peng Yazargyo tlang in a arak țum mi SAC ralkap batallion 309 minung 100 tluk cu Inndaw peng khua hna an lut i misawhsawh 15 an tlaih hna i nihin tiang an thlah riah hna lo. Cu pin ah midang 10, Tanbo khua mi 7 Natmahohgyi khua mi 3 an tlaih chap hna tiah Inndaw PDF rian ngeitu pakhat nih a chim.

July 12 ah an tlaih mi hna minung 15 cu Kuasetkhua Kyintaw Na Naung Kyaw le Nakhakhua mi an si hna i ralkap uniform an hruk ter hna tiah theih a si. A dang 10 an tlaih hna mi cu an hruk ter ve hna maw? ti cu hlat hlai lio a si. Ni 2 chung ah an tlaih mi hna hi minung 25 an si cang. Lothlo le lei a thuang mi an tlaih hna mi a si i a cheu cu ram lak ah mehhaang an zalhnak ah tlaih mi hna asi tiah theih asi.

Thawngdang Tuzing Ah Sac Ralkap 20 Leng An Thi 10 Leng An Tlaih Khawh Hna. Tanintharyi ramțhen Palaw peng PawatKone khua SAC ralkap sakhan cu Palaw PDF le țangți nih July 13 zing Sml 4:00 ah kan kah i SAC ralkap 10 leng an thi tiah Palaw PDF sin in theih a si. Chun Sml 12:00 hrawngah kahdohnak cu a dai i kan ralkap 3 an nunnak liam. SAC ralkap 10 leng an thi tiah Palaw PDF nih an thanh. Yesagyo Ah SAC Ralkap Mawtaw Bomb Puahhnawh An Tong Pakhat Thi

Magwe ramțhen, Yesagyo peng Yee Kone khua le Sin Chaung khua karlak Laukyi hlei kam ah SAC ralkap an i citmi mawțaw hme pakhat cu mizapi vengtu ralkap phu hna nih July 13 zamlei Sml 2:30 hrawngah an kah hna i SAC ralkap 1 thi 6 hliam an tuar tiah theih a si. Cu kahdoh nak cu K.N.T phu, Yezagyo PDF, N- YSO phu, Myaing Rural Guerilla Force၊ Steel Hawk PDF -Myaing Township phu hna i bawm in bomb puah in an doh hna hnu ah HintharPyo sakhan in mawtaw 2 ah bawmh ding in an phan i 60mm, 40 mm hna in a pawngkam hrawng cu an kahhrawk nain mizapi vengtu ralkap lei a hliammi um lo tein hnu an tolh kho tiah theih asi.