Breaking News: Atu Bak Thantlang Ah Kahdohnak Achuak Than Bomb Lawngte Tam Ngai An Puah Cang. Thantlang peng chung hmun lei pakhat ah kahdohnak a um tiah theih si. A hmunhma bel langhter ngah rih lo. Zing suimilam 4 khan kahdoh hram aa thok i tutiang bomb le meithal thawng a thang pah ko riah tiah min langhter lo sin in kan theih. Credit- The Chinland 7 Post

Thawngpang dang: Kayin ralkap KNU le ralhrang phu kar kahdohnak kong KNU nih ralhrang phu umnak sakhan an lak khawh tiah thawng theih tik ah online cung ah rianrang in tarlangh lo ding theihter nak cathanh cu KNU nih nihin ah a chuah.

“Hmunkhat ah tan pi ding in nawlnak” tiah tlangtar in theihternak cathanh an chuah mi ah kahdohnak le cawlcanghnak thawng cu online cung ah rianrang in thlah a si ah cun, kan ral hna sin ah thawngthanh cia le theihter cia bantuk a si caah ral kan doh cawlcanghnak ah KNU nih a tuah ding mi timhtuahnak vialte hnahnawhnak a pek khawh tiah an langhter.

“Tuahkel ahcun KNU le ralhrang phu kar kahdohnak a chuah hnu ah ralhrang phu hna nih vanlawng he bomb thlak hnawh in kah nak le anmah ralhrang phu bawmtu minung an thlah tawn. Cu ruang ah KNU nih chungtel ralkap vialte kahdohnak a dih hnu a humhimnak hmun an phanh than tik lawng ah online cung thawngzamh ding in kan in nawl hna” tiah an langhter. The Irrawaddy