Breaking News: Atu Bak Hakha Khuachungah An i Kap Than Cang . Hakha ah Meithal puah thawng le Bomb puah thawng theih cuahmah tthan a si. Nihin September 9, 2021 zaanlei khuamui suimilam 6:30PM hrawng in Meithal le Bomb puah thawng theih a si tthan. Atu puah keh thawng kan theih nak hi Chin Oo Si sang le Ralkap an umnak Sakhan pi Rungtlang taang pawng hrawng ah a si.

Kahnak um ko rua, nizaan bantuk in thawngpang theih len tthan a si ko tiah khuami pakhat sin in kan theih. Nihin chun ah Thantlang ah CDF le Ralkap karlak kahnak khuachung ah faak ngai a chuak. Cu ahcun khuami minung 4 hliam an tuar lawng si loin ralkap lei Bomb kah mi ruang ah khuahcung inn pakhat zong ciam dihlak in a kaang ti asi. Nihin Thantlang kahnak ah ralkap 2 an thi tiah kan theih.

Nihin chun Thantlang kahnak a chuah hnu, zaanlei suimilam 6:30PM hrawng in Hakha ah Meithal puah thawng le Bomb puah thawng an hun theih cuahmah tthan hi asi. Hakha hi nizaan zong ah puah kehnak, kahnak faak ngai in a chuak cang. Khua mi zaan khuadei ih lo in nizaan zong an um cang. Pathian tu nih Hakha mipi venghim hram hna seh.