Breaking News: Asian Tonpumh Biaruahnak Ah Myanmar Ram SAC cu Sawmding in Cambodia Prime Minister Nih Achim

Myanmar News

Breaking News: Asian Tonpumh Biaruahnak ah Myanmar ram SAC cu Sawmding in Cambodia Prime Minister Nih Achim. Cambodia prime minister Hon Sang nih cun Myanmar ram nawlngeihnak la tu ralhrang hruaitu hna he biaruahnak tuah ding in Myanmar ram rat ding ah timhtuahnak ka ngei tiah December 6 ah a chim. Cun Asian tonpumh biaruahnak ah nawlngeihnak la tu ralhrang phu le rianngei hna cu sawmding an si tiah a chim chih.

February 1 ah ralhrang nih hramhram in nawlngeihnak a lak ruangah Asian ram 10 chungah Myanmar ram kong thilcang mi cu zapi nih ruahpiak bikmi ah a cang. A luancia October thla chungah Brunei nih inn tek tuanvo lak in Asian ram hruaitu hna ton biaruahnak tuah lio ah Myanmar ram nawlngeihnak la tu ralhrang bawi Min Awng Hlaing cu sawmnak a rak um lo. Ralhrang phu rianpek mi ramdang vuanci cu nihnih ni ah Cambodia ah kalding a si i, Cambodia prime minister Hon Sang cu Myanmar ram ah a rauh hlan ah ka kal lai tiah biachimnak a ngeih.

Thawngdang relchap CDF-Senthang le CDF-Hakha an i ṭhen ṭhan CDF-Hakha nih Senthang Peng a Huap Kho Lo. CDF Senthang le CDF hna Hakha kar ah i theihthiam lonak nganpi a um. CDF-Hakha nih cun kan sinah i fonh hna seh ti a duh nain hi lei hna CDF Sen thang nih cun  nizaan ah CDF-Hakha in an chuah ṭhannak kong cathanh a chuah. CDF-Senthang cu kanmah tein ralkap uknak a dongh tiang kan dir peng ko lai ati.

Nizaan tihni November 30 ahkhan CDF-Hakha nih October 26 ah General Meeting kan tuah i CDF-Senthang cu CDF-Hakha Battalion 2 Senthang tiin kan i fonh ko lai tiah biachahnak tuah asi bantukin CDF-Senthang cu a um ti lo tiin cathanh a chuah. Nain atu bantukin an i ṭhen ṭhan hi si. CDF-Hakha Battalion 2 (Senthang) tiin an i fonh hnu ah an chuah ṭhan i CDF-Senthang tiin an dir ṭhannak kong cu hitin a fianter.

CDF-Senthang kan dir cang tiin cathanh kan chuah hnu ah CDF-Hakha upa he tonnak kan ngei. CDF-Hakha cu Hakha peng dihlak caah mah tuah mi asi tiin CDF-Hakha ah i fonh dingin an kan sawm. Cucaah mipi duhnak zulh dingin kan lungtling. Cu bantukin dot khat hnu dot khat meṭing kan tuah. October 26 general meṭing ah CDF-Hakha Battalion 2 (Senthang) tiah i fonh dingin biachahnak kan tuah. Hi biachahnak hi kan upat i kan cohlan.“Sinain, CDF-Hakha Policy le Structure zoh dingin le CDF-Hakha Battalion 2 (Senthang) hruaitu thar thim ṭhan dingin November 23 ah general meṭing kan tuah ṭhan tikah CDF-Hakha Policy le Structure nih Senthang mipi funtomnak a chuahpi khawh lo caah hruaitu thar zong an i thim kho lo. Cucaah CDF-Senthang cu pehzulh asi.

CDF-Hakha nih Hakha pengah kanmah CDF-Hakha le CNF/A dahlo hriamtlai phu dang um khawh asi lo a timi cu kan cohlang kho lo,” ati CDF-Senthang le CDF-Hakha thawhkehnak kong zong a fianter. CDF-Hakha nih Hakha peng huap in CDF-Hakha kan dirh lai tiah Senthang upa sinah sawmnak a rak um bal lo. April 5 ah CDF min in Senthang peng ah rianṭuan dingin Senthang khua pakhat ah meṭing tuah asi. Cu ni thokin CDF min hmangin Senthang peng ah rianṭuan hram aa thok.

CDF-Hakha an dirhmi zong Senthang hruaitu pawl nih theih asi lo. Cucaah CDF-Hakha nih Senthaang peng a huap kho lo. CDF-Hakha cu April 14-15 ah an dirhmi asi. CDF-Hakha an dirhmi cu CDF-Senthang kan dirh cang tiin cathanh kan chuah hnu lawngah kan theihmi asi ati.Atang ah CDF-Senthang nih CDF-Hakha in a chuahnak kong cathanh a chuahmi tling tein rel khawh asi.

Leave a Reply