Breaking News: An Sual Nak Hi An Hngal Lo Ee! Pharuso peng Dawhekhu Khua Biakinn Khanghpiak Asi. Pharuso peng Dawhekhu khua biakinn khanghpiak asi Kanren ram Pharuso peng Dawhekhu khua khrihfa biakinn cu June 15 zaanlei sml 3:00pm hrawngah SAC ralkap pawl nih an khangh tiah KNDF nih athanh. SAC ralkap pawl nih June 14 ah Dawhekhu khuachung mipi inn 4 leng an khangh lengah June 12 zongah Hteepawso khua khrihfa biakinn pakhat zong hriamngan in an kah tiah cathanh ah an langhter.

SAC ralkap pawl nih June 10 thok in Pharuso peng, Dawhekhu khua le Hteepawso khua ah kahdohnak an tuah i Karenni phufonh hna he ni 6 chung kahdohnak a chuak. SAC ralkap pawl Dawhekhu khua le Hteepawso an luh ni thok in mipi inn pawl an bauh i an thilrii pawl an fir biaknak lei inn pawl an hrawh inn pawl an khangh tiah KNDF cathanh ah langhter asi.

Thawngdang Thilin Peng Ah Mipi Riahcaw Fir Ding In A Kal Mi SAC Ralkap Kah An Tong! Thilin Peng Ah Mipi Riahcaw Fir Ding In A Kal Mi SAC Ralkap Kah An Tong! Thilin Peng Ah Mipi Riahcaw Fir Ding In A Kal Mi SAC Ralkap Kah An Tong!: Magwe ramṭhen Thilinpeng ah riahcaw fir ding in a kal mi SAC ralkap hna cu mizapi ralkap nih rak bawh in an kah hna caah ralkap 3 faak ngai in hliam an pu tiah YDF Thilin nih an thanh. Shwe Aung Thar khua ah umhmun akhuar mi SAC ralkap hna cu (June 16) tuzing Sml 5 tluk ah Aung khua i mipi hna tirawl riahcaw ah fir ding in Aung khua lei an panh lio ah kah an si tiah theih asi.

SAC ralkap hna le mizapi ralkap hna cu Sml 1 chung faak ngai in an i kap i, zing Sml 7 hrawng ah kahdohnak a chuak ṭhan. Sml cheu chung hrawng an i kap ṭhan tiah theih asi. Aung le Shaw Aung Thar in meng 4 tluk aa hlat. Thazaang 800 tluk a simi SAC ralkap hna cu Shwe Aung Thar ah umhmun an khuarnak thla 6 asi cang.

An riahcaw a dih caan poh ah an pawngkam khua ah an fir tawn. Nihin cu an ra lai ti thawng kan theih i rak bawh cia in kan kah khawh hna tiah YDF Thilin in rian ngeitu pakhat nih People’s Spring media ah a chim. Kahdohnak a chuah hnu zing Sml 9 hrawng ah SAC ralkap hna cu an kut lawng in an kir ṭhan tiah a chim chap. SAC ralkap 3 cu faak ngai in hliam an tuar i, a thi mi an um le um lo cu fiang in theih a si rih lo. YDF lei hliam tuar um loin hnu an tolh ṭhan tiah theih asi.