Tuzing ah a ho ti theih hngalh lomi hriamtlai phu nih Pakukko in Paletwa lei ah facang le eidin a phur mi ke 12 ngei motor cu Paletwa le Matupi karlak lampi February 29 2020 ah mei in an khangh tiah theih a si. A poi taktak a tu hi Paletwa ah facang adih liomi a si i ei awk a ngei ti lo.

Paletwa khuami pakhat nih a chimmi cu“Atu thil a can kan theih hi zingleiah kan theih. Internet lei a ciankuan lo ruangah felfai tein thawngpang kan thei kho lo. Cun hi Paletwa in meng 10 a hlatnak ah a si. Motor an khanghmi hi Diesel le ei ding hibantuk a phurmi mawttaw a si. Diesel an phurhmi hi a pung in pung 40 a phurmi mawttaw a si” tiah a chim.

Salai Kyaw Moe Htun nih a chim ve ning ahcun ” Tuni February 29 zinglei ah Matupi le Paletwa karlak a kal mi motor12 ngei mei in an khangh. Tuhi Paletwa ah eidin tirawl a um ti lo ca ah Matupi lei in facang le eidin a phurmi a si. Cun, India project ca ah thil zong a phurhchihmi a si. Petwa ah ei ding rawl a um ti lo facang 600 hlut ding an um ko nain a tuhi mawttaw in an kal ngam ti lo. Hiti bantukin thil a tuahmi hi ralkap nih an tuah ahcun a dang hohmanh nih an tuah lai lo” tiah a chim ve.

Note: Hi thawng hi Zalen news nih a ttialmi le Salai Kyaw Moe Htun nih Kawlca in an ttialmi Laica in lehchinmi a si tikah kan palhnak le a silo ning in kan lehpalhmi um cun nan kan theihthiamnak lai kan in nawl hna.