Breaking News: A Poi Kho Taktak Hlasakthiam Phyo Pyae Sone Cu Palik Nih An Tlaih Diam Ai An Tlaihnak Aruang A Chimmi Cu Khuaruahhar Ngai A Si

Atu lio Mino tampi nih a hla an uar taktak mi le an ngaih huam tukmi kawlram hlasakthiam Phyo Pyae Sone le hawi le hlaphuah thiam Rooney San Lwin, Ngein Chan Ko pawl he nizaan October 7 zaanlei suimilam 6Pm hrawng an tlaih hna tiah asi. hlasakthiam Phyo Pyae Sone le hawi le cu Bahan peng biaceih zung ah rit-hai sii pukmah 19(a)/21 in chuahpi an si i, hi pukmah ahhin kum 10 in rikhiah um lo tiang thawngthlak khawh a si tiah Bahan peng thawngthanhtu U Saw Htun Aye nih a chim.

Tuni October 8 biaceih zung an phaknak ah hlasakthiam Phyo Pyae Sone le hawi le pawl cu Media nih biahal khawhnak caan zong a pek pek hna lo. Cun biaceih zung nih cun 21 tiang palik zung ah hren dingin um caan ni a khiahpiak hna. October 21 ah biaceih zung an kalpi cang hna lai tiah theih a si. Hlasakthiam Phyo Pyae Sone le hawi le an tlaih hna nak kongah palik bawi Ting Win nih cun ” A kutah sii tlang-mum 10 kan tlaih i zei bantuk sii dah a si ti keimah zong nih ka theih kho lo.

Ka voikhatnak hmuhnak a si i rit-hai sii a si lai tiah kan zumh. Amah Phyo Pyae Sone zong nih Thailand ah an cawkmi a si nak kong a chim phuan nain amah nih rit-hai sii a si lo tiah a pheh len ve. Si mum-tlang kan tlaihmi hi ka rianttuan hawi palik dang nih cun an hmuh bal cang zong a si kho men nain ka caah cun atu hi ka voikhat hmuhnak bak a si. Atu ah a thawngpang fiangfai zeihmanh a um rih lo i siibawi pawl nih si mum-tlang cu zohfel nak an ngeih lai. Atu ah cun Phyo Pyae Sone cu rit-hai a kut i an tlaih ruangah sualphawt in tlaih a si” tiah palik bawi Ting Win nih cun a chim.

Nizaan October 7 zaanlei suimilam 5:30 in 6:00 Pm hrawngah Myanmar Plaza i Gloria Jeans Coffee dawr ah a hawi le pawl he an tlaih hna tiah theih a si. Asinain a tu tiang rih ah cun a phurhm sii hi zei bantuk sii dah a si. Rit hai sii cuteh a si taktak maw timi fehternak a um rih lo Siibawi te nih zohfel nak an ngeih hnuah thawngpang fiang theih a si lai. Hlasakthiam Phyo Pyae Sone le a hawi le sinah an tlaihmi thil hi KETAMINE sii tlang (mum) 10 (4g), (a phaisa fang in 12000 man) le hand phone an tlaih tiah theih a si.