Dedaye Bomb Puah Ruangah NLD Ramṭhen Hluttaw Palai I A Fapa Pakhat le Mino 7 An Tlaih Hna. Ayeyarwaddy ramṭhen, Dedaye khua luh, cheknak hlei ah bomb a puakmi ruang he pehtlai in NLD ramṭhen Hluttaw palai i a fapa telh in mino 8 cu July 28 le 29 ah an tlaih hna, tiah tualchung mi hna nih an chim.

“July 28 ah mino 7 an rak tlaih hna. July 29 ah pakhat an tlaih ṭhan. July 26 lioah bomb puahnak he pehtlai in an tlaihmi hna a si. Mino 8 hna cu an ban an leh hna i hri in an ṭem hna. Biachim holh rel an i palh ahcun an tuk, an velh hna lai ti kan ruah kan thin a phang ko,” tiah a chungkhar he naihniam mi pakhat nih a chim.

Dedaye khua luhnak chek gate pahnih a um i, Yangon ramṭhen lei kalnak hlei ah July 26 zan sml 8 hrawng ah bomb lung hnih a rak puak. Mino an tlaihmi hna kong he pehtlai in khuabawi pakhat nih,”bomb puahnak kong he pehtlai in an tlaihmi hna a si.

Anmah nih an puahmi a si lo cun an thlah colh ko hna lai, thin phan awk a um lo,” tiah a chim. SAC nih uknak a lak hnu in Dedaye peng mee hmun in NLD party ramṭhen Hluttaw palai Than Lwin telh in a zammi minung 1000 leng le tlaih a tongmi 200 leng an si cang, tualchung mi hna nih an chim. Credit: The Chin Post

Thantlang dirhmun: Thantlang Khua A Hlan I CDF Umnak Hmun Vialte Ralhrang Nih An Chuh Dih Cang Hna. Nai kan CDF thantlang kan naupa he bia kan i ruah i a chim mi khuaruahhar ngai khi a si. Thantlang ah hin Ralkap hi minung 70-80 karlak hrawng an um tiah a chim. Online in Thantlang ralkap an dih deng cang an timi hi lih a si tiah a chim.

A tlawm bik in minung 70 cu an um hrimrim lai tiah a chim. Thantlang khuachung lawng bak ah khin hmun li hrawng ah an um tiah a chim. Chaklei an sakhaan ah khi a tambik an um i, thlanglei Van Thio in le a pawng hmun 2 ah an um rih a ti. Tuan Lio i CDF umnak hmun vialte cu Ralhrang nih an chuh dih cang hna. Tuan ah Van Thio Inn ah CDF an um nain a tu ahcun an kan chuh cang.

Thantlang khi JMBC in a chak lei vialte khi cu Ralhrang nih an uk dih, anmah nih hmunhma an lak i thlanglei Sianginn pi in a thlang lei khi kanmah CDF le CNA kan umnak a si. A caan ah cun ralhrang nih an van kan nam lengmang tawn i kap hnih in kahdohnak hi a chuak tawn.

Khuaruahhar ngai a si mi cu Thantlang ralkap ah khin Nu tampi an tel menlai tiah kan zumh a ti a ruang cu nu khi kan hmuh tawn hna i an um ngai lai tiah a chim. Cu lawng si loin An Sniper 1 a tlai tu zong hi nu a si tiah a chim. Ralram le raltuknak hmun ah nu ralkap tampi an kuat hna tiah an rak chim mi hi dik dawh a si ko. Crd… Pa Cung CDF Thantlang