Bochuk Tun Myat Naing Nupi le Afa le 2 cu Kawlram ah kan ap hna lai. Hi nih Chinmi zeitiang dah a kan hnuar suan lai?

Theihtlei

Bochuk Tun Myat Naing Nupi le Afa le 2 cu Kawlram ah kan ap hna lai. (Minchim duhlo Kawl Palik Rengsang pa nih achim) Passport le Visa Kum luan mi remh ding ah Thailand Chianmai khua ah December 4 kha an tlaih hna. Daw Hnin Zar Phyu hi Rakhine ramkulh Hlutdaw Chairman San Kyaw Hla fanu asi.

Image result for Tun Myat Naing

Chianmai in Chianrai ah an ra pi hna. Kawlram ah ap ding tiah Chianmai tadin pakhat nih aphuan. Kawlram lei zong Mesai in an rak kai ve i Chianrai an rak phan cang ti asi. U San Kyaw Hla nih Media Chimrel nak lawng in ka theih ve. Cozah thawng thannak aumlo ati ve tiah Irrawaddy tadin ah a chimh hna. Thawngpang fian kan theih khawh lo. Tadin le Media in kan rel mi lawng asi rih.

Image result for Tun Myat Naing

Hihi Thailand cozah Tadinca nih afeh ter rih lo bantukin Kawl cozah tadin zong nih a feh ter rih lo. Thailand ram um Rakhine miphun hna nih Kawl cozah sin ap lo ding in kan nawl hna lai an ti. Arakan National Party (ANP) Pyithu Hlutdaw Kusale, U Phe Thant nih Tun Myan Naing chungkhat tiah tlaih le taza cuai cu aphun asi lo. An mipak in an tuah mi sual nak cung tu ah biaceih awk deuh asi ati ve.

2019 October 19 ah khan Chiamai in Rangoon lei Vanlawng in ara mi Tun Myat Naing farnu Ma Yaminmyat @ Moehinphyu le avapa Ko Kyaw Naing zong an tlaih cang hna. Anu pi hi ava arak don mi asi. Rangoon Hmuhkhin Palik bawi Duhzehmuh Min Khai Pohma 52-a-b-c in taza a cuai hna. Ralhrang case in taza ancuai hna.

July 11 ah Singapore in Rakhine bu komh Upa hna kha AA phaisa nan bawmh hna tiah an tlai hna. Singapore in an dawi hna. Rangoon anphan bak ah an tlaih colh hna. Tun Myat Naing Naupa U Aung Myat Kyaw, U Tun Aye, U Hinzaw, U Ye kyaw Teṭ, U Tin Hliang, Daw Aye Myat Mon hna an si. Kawlram nih taza cuai ding in aazuam cuahmah lio asi.

Thinphan dailo kan si ko cang: Kawl ralkap le cozah nih mi I thlen an duh lo. U Hoi Ṭin le Chinmi an tlai mihna nun ahim ti lo. Kawlram khualipi deuh poah ahim ti lo. ICJ ah Pi Ci nih ahmuh tei hman sehlaw, Rakhine ram ah aum mi Rohingya an him kho hrim lo. AA nih mi an kan tlai chin nak tu asi deuh cang lai. Pi Ci nih ICJ a tei lo ahcun OIC duh ning in Rohingya miphun pakhat sinak in cohlan asi lai. Rights le covo vial te pek dih an si lai.

Rakhine ram ah Rohingya hmunhma pek sual ahcun Ral ro pek he alawh hnga. Rakhine ram um chin mi le Paletwa zong a him chin chin tilo. Mi I thlen nawn khawh hna sehlaw ral a dai deuh men lai. Chin mi ram hruai tu upa (Ramdang ummi hna) le nan chungkhar Kawlram ah hlathlai ta loin rak tlung lo ah a ṭha deuh. Rul bantuk fim nun kan cawng caan a cu cang. Saya Rung Kaw

Leave a Reply