Atu lio cu Myanmar rampi buainak kong he pehtlai in mipi nih an von hlam ngaimi le an konglam an chim caih ngaimi Dr.Sasa hi asi. Dr.Sasa cu mizoram ah a zaam tibantuk thawngpang hna a hung um. Cun, a hmurka zong theih ding a um lo ti hna an von chim len.

Dr.Sasa cu aa sum kho ve hrim lo. Myanmar rampi buainak kong he pehtlai in a chimmi cu,“Duhdawtmi ka miphun, miralṭha le Myanmar mipi hna kan ram caah ka si khawhtawkin ka zuam i ka cawlcang cuahmah lio a si ti chim ti ka duh.

“A dongh tiangin nan leiah ka dir zungzal lai. Kan duai hrim lai lo kan hna beidong zong dong hlah seh. Ahopaoh (zeipaoh) kan lei an ṭang. Pathian nih kan ram le miphun dawt hna (mipi) hna thluachuahnak in pe hram ko hna seh,”tiah Dr.Sasa nih cun a chim.

Thawngpang dang ral rel chih: Ralkap uknak duh lo langhternak “CND” ni cu Hakha um dawr zapi te khar piak dingah rak nawl a si. Asinain a tanglei dawr pawl cu mipi lei dir pi lo in dawr na rak awn hna. Hmaizarh thawk in cun Cacawn Ninga Nii-Friday poh cu Hakha um dawr kan zapi tein ralkap uknak kan duh lo langhternak ah kan khar than hna lai.

Khini ah dawr a khar piak lo mi cu CDM ai tel mi zei rel piak lo le ralkap lei nang tang tiah kan i ruah cang hna lai. Mipi zong nih nan dawr kha kan i hrial cang hna lai. Cozah riantuan lawng CDM luh ding in sawm lo in kan mah zong nih kan ti khawh tawk cio in ralkap uknak duh lo langhter cio ding in kan i sawm hna. Ref: Hakha Campaign For Justice

Relchih: CDM PINLEI AH A UMMI TEINAK THLUACHUAH! Civil Disobedience Movement “CDM” cu cozah thalo khuakhan lairelnak vialte zulh duhlo le ngaih duhlo a si. Nebukhadnezzar nih a phunmi sui milem hmai ah Judah tlangval pathum hna nih an bawh duh lo i an biak duh lo ruangah Judah tlangval hna cu meiphu chungah an tlak hna. Sihmanhselaw an sinah Pathian a um caah mei nih an samfa fa khat hmanh a kang lo i mei rim zong an nam lo. Cucaah siangpahrang nih a chuah hna i cuhlan nakin rian sang deuh a pek hna. “Daniiel 3:1-30”.

Kawlram ah ralkap nih hramhram in nawlngeihnak an lak i thilthalo an tuah tikah mipi nih an nawl zulh duh loin CDM kan tuahmi hi biatak kan tanh a si i thiltha kan tuah a si. Hi ruangah tlaihkhih le thongtla zong kan um lai, virus a chawnhmi zong kan um lai i harsatnak phunphun kan tong ko lai.
Sihmanhselaw biatak a tanhmi Pahian nih a kan bawmh lai i teinak kan hmuh tikah cun kanmah le kan techin fapar hna nih kan ram thatnak le thluachuah theipar kan tlanh te lai. CDM Cawlcanghnak a telmi vialte Pathian nih lam in hruai ko hna seh! Credit: Abraham Sang Nawl