By Bishop CK. No Chum|Lunglawmhnak thawngṭha kan theih. Laimi kan pa pakhat a simi Bishop CK. No Chum khrihfabu Believers Church Myanmar nih miphun le ram caah nun pek in rian a ṭuanmi kan Chin ralkap CNF/A hna nih Pathian an thangṭhat ve khawhnak hnga tiin Biakinn an sak piak hna tiah kan theih.

Hi kong he pehtlai in Dr. Bishop CK. No Chum nih a tanglei bantukin a taar,“Kan Chin National Army hna nih Sertu Pathian, Khamhtu, Damnak le Thluachuahtu Pathian siarem teiin an biak in an thangthat khawh nak hnga, Believers Church, Myanmar nih kan tikhawh tawkte in “BUARPI CAMP” ah kan sak piak mi hna asi. Kan dawt kan Lai ralkap hna le an Chungkhar cio nih Pathian timhlamh piak mi hna (God’s best plan for their future) le Pathian thinlung an theih khawh nak hmun si hram ko seh tiah thla kan cam,” tiah amah pumpak facebook a tarlangh.

Cun a pei rihmi cu,BAWIPA, 1. Sualnak tuah minih Sualchir nakhe nangmah lei zohin hi “BIAKINN” ah thla a cam tik ah, 2. Khuakhen can ah Nangmah lei zoh in hi “ BIAKINN” ah thla an cam ahcun, 3. Zeiti khuasak le umkalning, khuakhan le lairel awk an theih lo tik can zawng ah, Nangmah lei zoh in hi “ BIAKINN” ah thla an cam ahcun, 4. Mangtam an ton canah Nangmah lei zoh in hi Biakinn ah thla ancam ahcun,

5. Tihnung Ral an ton tik zawng ah Nangmah lei hoih in hi “BIAKINN”ah thla an cam ahcun, 6. Zawtfah nak an ton can zawng ah Nangmah lei zoh in hi “BIAKINN” ah thla ancam ahcun, 7. Na thim mi “Lai Ralkap” hna lawng silo in, Lam hla pi in, miphun dangpi zawng nih a rak panh riangmang i hi “BIAKINN” ah thla arak cam ahcun,(6:32)

Bawipa, na sin in Sualngaihthiam nak, Dam nak, Tei nak, hlawhtlin nak, Fim nak leThluachuah-hlawhtlin nak phunkip hmuhram ko hna seh tiah, thihnak teitu Krih Zisuh min in thla kan cam. Amen. (2Chanrelnak 6:14-42).

Biapeh: Miphun le ram caah nunthap in rian a ṭuanmi CNF/A hi kan dawt hna awk hrimhrim a si. Miphun le ram caah nunthap in rian an ṭuanmi hi upatnak kan pek hna awk a si. Zeidang in kan bawmh hna lo hmanh ah thlacamnak tel in bawm cio hna usih.