Biden Nih President A Vun Si Nikhatnak Ah Orders A Chuah Colh Dinmi (4)

World News

Biden nih President a vun si in, a nikhatnak January 20-21 ah a tuah colh ding, excutive orders a chuah ding cheukhat pawl: 1. Pres. Trump nih Kawlram telh in ram zeimawzat visa a phihmi vialte kha a thah/hrawh piak colh lai. Hihi Laimi ca zongah thawngpang ttha ngai pakhat asi. 2. Paris Climate agreement ah US a luhpi tthan lai.

Image may contain: 1 person, text that says "Biden to sign executive orders rejoining Paris climate accord and rescinding travel ban on first day By Dan Merica, CNN CNN Updated 8:50 PM EST Sat January 16, 2021"

3. Tulio Covid-19 zawtnak ruangah innhlan man an pek khawh lo zongah: inn ngeitu nih chuah/tthawlnak ngawl an ngei rih lai lo. 4. Sianginn kainak leiba (student loan) a ngeimi, leiba cham rih lo in a um ter rih hna lai. A dangdang um len rih ko nain mah vial lawng ka vun langhter. Credit: Van N Elizabeth

Relchih: Democrats pawl nih Senate le House le White House an control khawh cang caah simple majority [50%] nak ram deuh in tuah khawhmi upadi phung le lam poah cu an duhning in an ser cang lai. Democrats cu liberal ruahnak a pommi an si caah Liberal ruahnak agenda bill tampi cu house le senate ah an chuahpi lai i an fehter cang lai.

Nancy Pelosi hruaimi House ahcun Gender Identities timi nule pa sinak, pale fa sina, ta le far sinak, tu le fa sinak, pi le pu sinak nule va sinak tibantuk vialte cu ithleidnak a si, irualrannak si lo ti in House ah an chuahpi cang. A rauh hlan i an pass ahcun House ah nule va, pale fa, ule nau, pi le pu, nule pa tibantuk hman khawh a si ti lai lo.

Mah hi same sex marriage a pommi, hna, nule nu, pale pa a duhmi hna, nule pa sinak a tlengmi hna nih an taw an sawh hna i an tuahter mi hna a si. Khrihfa kan zumhnak lawng si loin Laimi nunphung he a kalh tukmi a si caah tihnung ngaimi a si. Mah thil nih hin hmailei kan zatlang nunphung vialte zong a hnursuan te lai. Republican party nih mah bantuk phung cu mi hrut thil tuah a si an ti.

President Trump kan dirkamh, kan ttanpi mi hi amah pumpak kan uar tuk ruangah a si naisai lo. Zei bantuk policy dah a dirpi timi hi biapi bik in kan zohmi a si. Liberal Democrats President Joe Biden le Liberal lak hmanh ah a hlipi tiah ruahmi Kamala Harris nih anmah ruahnak Liberal lei kap in sau an kan hruai ahcun kan zumhnak le kan sining, kan zatlang nuning le kan nunphung tiang in tampi a hnursuan te lai.

Zunzun le ekek nak tiang in a kan hnursuan khawhmi a si. Kan fale sianginn kainak zunn inn tiang hmanh in a hnursuan men te lai. Obama chan zongah tuah an timh bal. President Donald Trump nih executive oder i a thah piak hna caah a si. Credit: Salai Lairamthang

Leave a Reply