Bible Ah Holh Theihlo Cu A Um Taktak Lo Maw? -Tluang Lian (Martar)

Sermon

BIBLE AH HOLH THEIHLO CU A UM TAKTAK LO MAW?

Image may contain: 1 person, standing and shoes

Dr.Aung Minh Thang nih “Greek Bible ah Holhtheihlo a um lo,’holh’ ti lawng a um,”tiin, Holhtheihlo a hmangtu hna cu a hun kan den! Bible siangin cheukhat ah an cawn ningte zong a si.

1.BAWIPA PATHIAN nih Holh i theihlo cu a thok

Genesis 11 kan rel ahcun,holh i theih lo a thok tu hi AMAH BAWIPA PATHIAN bak nih a thokmi a si i an holh an i theih ti lo caah,hmun kipah an i thek hna.Holh an cotharmi,Holh theihlo cun an holh cio hna i,an i theihthiam hna lo caah an rak i thek.Cu an holhtheihlo cu nihin ahcun miphun hna holh ah a hung i cang.”A tu lio kan chimmi holhtheihlo chim fiannak ah a tling lo,” na ti khawh men,a tang lei hi rel thliahmah rih ko.

2.BAWIPA PATHIAN nih kut bak in Holhtheihlo cu a tial (Biakam hlun)

Daniel.5:5-31 kan rel ahcun,Holhtheihlo bak in vampang ah kutbor nih ca a hun tial i,Babilon siangpahrang Belshazzar bawi 1000 hna le camhthiam,khuachia thawlthiam le mangih thiam le a mifim vialte hna nih vampang PATHIAN catial mi cu a rel kho ahohmanh an um lo i a sullam a chim kho zong ahohmanh an um lo!(kha lio Babilon ram ukmi ram kha 127 hrawng an si)

3.Holhtheihlo cu PATHIAN Zaangfahmi hna caah hlawknak le cawisannak a si

Vampang i ‘Holhtheih catial’ cu Daniel hawi le pathum hmanh nih an rel kho lo,kha bantuk Holhtheihlo kha cu Thlarau lei thil a si caah a catialtu THLARAU hngalhternak lawngin hngalhthiam phun a si. PATHIAN THLARAU nih a umpi mi Daniel cu an hun auh i,PATHIAN nih a tialmi ‘Holhtheihlo catial’ cu a hun relpiak hna,”Mene mene tekel upharsin,” tiin aw thangin a hun relpiak hna.Cucu Holhtheihlo (Unknown tongues) cu a si.Hika i Holhtheihlo (Unknown tongues) hi THLARAU holh cu a si.

‘Mene mene tekel upharsin’ hi zei holh hmanh a si lo caah a let khotu ahohmanh an um lo i a,sullam a theihthiam mi zong an um lo.THLARAU holh a si caah a THLARAU nih a phuannak Daniel lawng nih a leh khawh. Midang caahcun hngalh lomi (Unknown) a si i Daniel caahcun hlawknak le cawisannak a si.

4.Biakamthar ah PATHIAN nih Holhtheihlo voihnih a kut in a tial

BAWI JESUH chanin Biakam thar cu aa thok i Biakam thar cauk hna cu Greek holh in tial an si.BAWIPA JESUH nih a tuahmi le a chimmi hna zong kha Greek holh in tial an si. Johan dal 8 ah,vacung i a sual lio ah an tlaih mi nu kha JESUH sin ahcun an hun ratpi.Tha tein ruat tuah u,Vawlei ah JESUH nih voihnih bak a kut dongin ca a tial kha! BAWI JESUH a ca tialmi kha Biakam thar Greek holh in tialmi nih a kan chimh.JESUH bak nih a tial va si kaw,hodah a rel kho i ahodah a sullam a chim kho.Cucu pei theihlomi catial,aw chuak i rel tikah Holhtheihlo (Unknown tongues) cu a si cu.

5.Holhtheihlo thawnnak

Farasi cathiam pawl zong nih an rel kho in a sullam an hngal kho lo i,mi nu zong nih a rel thiamin a sullam a hngal hlei lo.AMAH nihcun a hngalh ko.Kan halte hna lai cu! Holhtheihlo catial nih an khuaruah a har ter hna,a thawh hna i,”nan lak i sualnak a tuah bal lomi nih chep hmasat seh,”a hun ti hna i a kun i Holhtheihlo ca cu a tial than!

PATHIAN a biami Juda upa pawl kha,holhtheihin voikhat a chawn hna i Holhtheihlo in voihnih ca a tialpiak hna. Farasi pawl an zaam dih i a sualmi nu cu Holhtheihlo voihnih le holhtheih voikhat in a luatter.Nan ruat bal maw?Holhtheihlo ca kha tial lo zongin a luatter khawh ko cu ta!zeiruang ahdah voihnih tiangtiang hngalhlhawhlomi ca,asullam zong theih lomi ca cu kun riangmangin a tial hnga?

Greek Bible ah Holhtheihlo cu a um ko lo maw? A catial hmanh um na lakah.

Catialtu:Tluang Lian (Martar)

Leave a Reply