Hakha ram ngei pawl nih duh lo nak an langhter mi kongah Salai Lungthli Tum nih Hakha ram vialte hi pumpak or pupa ram a um lo, zapi kan vawlei dih a si tiah a chimmi le Kan hakkauh tuk caah kutdok kan ttuan tiah fiang tein chim lawlaw ko u, tiah a cimmi kongah a tanlei bantukin Biak Peng nih Salai Lungthli Tum cu fak lak in lehnak a tuah colh ve.

Biak Peng: Mah hi Hakha pupa ram kongah hi ti na chim mi hi Hakha vawlei kongah ceihawk tlak ka si ma si lo tiiruat nathut dirnak na nu le na pa anthut dirnak vawlei khi Hakha vawlei si kha i fiang. Ram kauhnak nan duh lo i kutdawk in vak lawlaw uh na ti mi hi nangmah tu hi pei ramdang kutdawk in a vak mi cu na si ko cu Hakha vawlei kan sian ruangah nangmah zong Hakha khuate ah khua na sa atu hnu in Hakha vawlei kongah i ceih tuk hlah.

Na tuah ding rian tu kha i thei. Hi bantuk in Hakha kongah na chim ah cun ramdang in mikut dawk i na vah nak hin Hakha khuacu vunsar ko ngat. Khuasar nak ah cozah zong cu bawm hna ramdang na um mi hi Hakha caah um na si lo. Na chungkhar caah a um mi na si caah na chungkhar caah buai. Hakha caah na tuan khawh mi zeihmanh um ve lo kha i philh hlah.

Salai lungthli tum van in tla mi a maw nai ruah? na chuakkeh nak zong hi tuak pah. Pupa ram pupa vawlei ah a chuak mi na si kha. Nan khua i na inn na lo le na ram khi ho ta dah si? Pupa ram pupa vawlei si lo maw? Ram ngei nih kan siang lo an ti lo. Thil a dik ning te in kan tuah piak uh an ti. Kutdok titiang ca na ttial mi khi England cacawng zong na lo lo.

Salai Lungthli Tum: Hakkau lamzawhtu phu: ‘Hakha ram chung hmun lawng vawlei vialte kanmah ta a si, hmunhma samh ding kan siang lo, nan samh ahcun phaisa kan liamh u. Inn lo ngeilo caah hmunhma samh a timhtu cozah an rian phuah uh’.

Keimah Lungthli Tum bialeh: ‘Hakha ram chung hmun lawng vialte a ngeitu cu pumpak or hakkau phu pakhat menmen nan si lo, mizapi hi a ngeitu kan si. Mizapi kan vawlei kha cozah nih a herh ning in a tawlrel awk a si. Hakkau tuk ruang ah kokek kan si ee pupa ram ee ti len awk si lo, Hakha khua tlatu pupa cu kan dihlak i kan pupa an si ko. Kan hakkau tuk caah kutdok kan tuan tiah fiang tein chim lawlaw ko u’.